అంతర్జాతీయం
షింజో అబే ఘన విజయం
S ,7 à 8 RSCA (si SASPAS) et 6 cialis pharmacie cialis rapports de stage.
టోక్యో, సెప్టెంబర్ 20: జపాన్ అధికార లిబరల్ డెమోక్రటిక్ పార్టీ అధ్యక్షుడిగా ప్రధాని షింజో అబే ఘన విజయం సాధించారు. అధ్యక్ష ఎన్నికల్లో తిరుగులేని మెజారిటీతో తిరిగి గెలిచిన అబే మీడియాతో మాట్లాడుతూ ‘దేశం ఎదుర్కొంటున్న అన్ని సమస్యలూ పరిష్కరించేందుకే నాకీ అవకాశం దక్కింది’అని ప్రకటించారు. ఎన్నికల యుద్ధం ముగిసించదని ఇక నిర్ధేశించుకున్న లక్ష్యాలనే చేరుకోవడమే తమ ముందున్న కర్తవ్యమని ప్రధాని షింజో స్పష్టం చేశారు. ‘నవ జపాన్ నిర్మాణానికి అందరం కలిసి పనిచేద్దాం’అని ఆయన పిలుపునిచ్చారు. 2012 డిసెంబర్ నుంచి షింజో అబే ప్రధాన మంత్రిగా పనిచేస్తున్నారు. లిబరల్ డెమోక్రటిక్ పార్టీపై పట్టుసాధిస్తూ కన్జర్వేటీవ్‌ల మద్దతును చూరగొంటూ అనేక ఆర్థిక, దౌత్య విధానాలు అమలు చేస్తున్నారు. లిబరల్ పార్టీకి మూడోసారి అధ్యక్షుడిగా ఎన్నికైన అబే 2021 వరకూ అధికారంలో ఉంటారు. దేశంలో సుదీర్ఘకాలం అధికారంలో ఉన్న నేతగా ఆయనే్న చెప్పుకోవచ్చు. ఉత్తర కొరియా అణు,క్షిపణుల పరీక్షలు, చైనా దూకుడు వంటి అనేక సవాళ్లను ఎదుర్కొంటూ దేశాన్ని ముందుకు తీసుకెళ్తున్నారు. అలాగే వయోవృద్ధులు పెరిగిపోవడం, రాచరిక వారసత్వ సమస్య, వినియోగపుపన్ను పెంపువంటి సవాళ్లు ఆయన ముందన్నాయి.‘బలమైన నాయకుడితోనే సుస్థితర ప్రభుత్వం సాధ్యం. ఆర్థిక, దౌత్యపరమైన విధానాల్లోనూ కఠినమైన నిర్ణయాలు తీసుకోగలుగుతారు. షింజో అబే ఈ విషయంలో సమర్ధవంతగానే పనిచేసి సత్తాచాటుకున్నారు’అని టోక్యో యూనివర్శిటీ రాజనీతిశాస్త్ర ప్రొఫెసర్ యూ ఉఛియామా అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.