అంతర్జాతీయం
పాక్‌తో చర్చల రద్దుపై ఇమ్రాన్ ఫైర్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 22: భారత్, పాక్ మధ్య న్యూయార్కులో చర్చల ప్రక్రియను భారత్ ఏకపక్షంగా రద్దు చేయడంపై పాక్ ప్రధాని ఇమ్రాన్ ఖాన్ మండిపడ్డారు. ఈ నిర్ణయాన్ని భారత్ దుందుడుకు వైఖరిని తెలియచేస్తుందన్నారు. భారత్ ప్రతికూల నిర్ణయం తనను నిరాశకు గురి చేసిందన్నారు. తన జీవిత కాలంలోదార్శనికత లేని పెద్ద మనుషులు చిన్న బుద్ధులు కలిగి ఉండడాన్ని చూశాను అని ఇమ్రాన్ ఖాన్ పేర్కొన్నారు. జమ్ముకాశ్మీర్‌లో ముగ్గురు పోలీసులను కిడ్నాప్ చేసి ఉగ్రవాదులు కాల్చిచంపిన ఘటనపై భారత్ తీవ్రంగా స్పందించింది. దీంతో చర్చలను రద్దు చేస్తున్నట్లు పేర్కొంది. పైగా కాశ్మీరీ ఉగ్రవాది బూర్హన్ వానీకి సంబంధించి తపాలా బిళ్లను విడుదల చేయడాన్నికూడా భార త్ గర్హించింది. ఐక్యరాజ్యసమితి సర్వసభ్య సమావేశాల నేపథ్యంలో న్యూయార్కులో పాక్, భారత్ విదేశాంగ శాఖ మంత్రుల సమావేశం ముందుగా ఖరారైంది. కాగా తాజా పరిణామా ల నేపథ్యంలో న్యూయార్కు చర్చలను రద్దు చేస్తున్నట్లు భారత్ విదేశాంగ ప్రతినిధి రవీష్ కుమార్ చెప్పారు. కాశ్మీర్‌లో ఉగ్రవాదులు ఘాతుకం పాక్ ప్రధాని ఇమ్రాన్ ఖాన్ అసలు స్వరూపాన్ని బహిర్గతం చేసిందన్నారు. ఇస్లామాబాద్ చర్చలంటూనే మరో వైపు భారత్‌లో అస్థిరత్వం సృష్టించేందుకు చేస్తున్న ప్రయత్నాలు దుర్మార్గపు అజెండాను తెలియచేస్తోందన్నారు. ఉగ్రవాది బూర్హాన్‌పై పోస్టల్ స్టాంపును విడుదల చేయడం వెనక అజెండా ఏమిటని భారత్ ప్రశ్నించింది. రెండు దుశ్చర్యలకు పాల్పడిన పాకిస్తాన్‌తో మాట్లాడాల్సిన అవసరంలేదని ఆయన పేర్కొన్నారు. భారత్ వైఖరిపై పాకిస్తాన్ విదేశాంగ శాఖ ప్రతినిధి మహమ్మద్ ఫైసల్ స్పందించారు. భారత్ ఆరోపణలను తిరస్కరిస్తున్నట్లు చెప్పారు. అవసరమైతే వాస్తవాలను నిర్ధారించేందుకు ఉమ్మడి తనిఖీలు చేపట్టేందుకు సిద్ధమన్నారు. బుర్హాన్ పోస్టల్ స్టాంపును జూలై 25వ తేదీ ఎన్నికల ముందు విడుదల చేశారన్నారు. కాగా కొత్త ప్రధాని ఇమ్రాన్ ఖాన్ ఆగస్టు 18న ప్రమాణ స్వీకారం చేశారన్నారు. ద్వైపాక్షిక చర్చల ద్వారా భారత ఉపఖండంలో శాంతిని సాధించాలన్న లక్ష్యానికి భారత్ తూట్లు పొడిచిందన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.