అంతర్జాతీయం
లిఖితపూర్వకంగా ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, అక్టోబర్ 8: దేశద్రోహం, ముంబయిపై ఉగ్రదాడి కేసులో అభియోగాలు ఎదుర్కొంటున్న మాజీ ప్రధాని నవాజ్ షరీఫ్, షాహిద్ ఖఖాన్ అబ్బాసీ కేసులు లిఖితపూర్వక వివరణ ఇవ్వాలంటూ ఫెడరల్ ప్రభుత్వాన్ని లాహోర్ కోర్టు ఆదేశించింది. ఇరువురు మాజీ ప్రధానులపై చర్యలు తీసుకోవాలంటూ దాఖలైన పిటిషన్లను సోమవారం కోర్టు విచారించింది. నవాజ్, అబ్బాసీతోపాటు డాన్ పత్రికకు చెందిన ప్రముఖ పాత్రికేయుడు సిరిల్ ఆల్‌మెయిడాపైనా అభియోగాలు నమోదయ్యాయి. ఇద్దరు మాజీ ప్రధానులతో పాటు సిరిల్ కూడా హైకోర్టు ఫుల్ బెంచ్ ఎదుట హాజరయ్యారు. జస్టిస్ మజహర్ అలీ నఖ్వీ నేతృత్వంలోని ముగ్గురు న్యాయమూర్తులతో కూడిన ధర్మాసనం కేసును విచారించింది. కేసును ఈనెల 22కు వాయిదా వేసిన బెంచ్ ముగ్గురినీ లిఖిత పూర్వక సమాధానం ఇవ్వాలని ఆదేశించింది. ఆర్టికల్ 6 కింద రాజ్యద్రోహం ఆరోపణలు ఎదుర్కొంటున్న వారిపై ఎలాంటి చర్యలు తీసుకున్నారని డిప్యూటీ అటార్నీ జనరల్ మియాన్ తారిఖ్‌ను కోర్టు ప్రశ్నించింది. కేసు విచారణ ఎంతవరకూ వచ్చిందని బెంచ్‌లో సభ్యుడు జస్టిస్ జహంగీర్ అడిగారు. పాత్రికేయుడి నాన్‌బెయిలబుల్ వారెంట్‌ను కోర్టు ఉపసంహరించుకుంది. సివిల్ సొసైటీ సభ్యురాలు అమీనా మాలిక్ ఈ పిటిషన్‌ను దాఖలు చేశారు. ముంబయిపై ఉగ్రవాద దాడిలో పాకిస్తాన్ ఉగ్రవాదుల పాత్రను తోసిపుచ్చలేమంటూ నవాజ్ షరీఫ్ సంచలన వ్యాఖ్యలు చేశారు. గత ఏడాది మేనెలలో డాన్ పత్రికకు ఇచ్చిన ఇంటర్‌వ్యూలో 2008 ముంబయి దాడుల విషయాన్ని షరీఫ్ ప్రస్తావించారు. మూడు సార్లు ప్రధానిగా చేసిన నవాజ్ షరీఫ్ దేశానికి వ్యతిరేకంగా మాట్లాడడం రాజ్యద్రోహమని పిటిషనర్ ఆరోపించారు. బద్దశత్రువైన దేశం గురించి ఆయనీవిధంగా మాట్లాడడం తగదని ఆమె అన్నారు. నవాజ్ షరీఫ్ తరువాత అధికారం చేపట్టిన అబ్బాసీ కూడా జాతీయ భద్రత సలహా మండలి సమావేశంలో తప్పుదోవపట్టింటే వ్యాఖ్యలు చేశారని అమీనా మాలిక్ ఆరోపించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.