అంతర్జాతీయం
ఐరాసను అలరించనున్న సరోద్
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్యసమితి, అక్టోబర్ 23: మనసుదోచే సరోద్ మాస్ట్రో అంజాద్ అలీఖాన్ సంగీత ఝరి ఐక్యరాజ్య సమితి వేదికపై ప్రతిధ్వనించనుంది. మహాత్మాగాంధీకి నివాళిగా బుధవారం నాడాయన ఐరాస వార్షిక సదస్సులో ఈ కార్యక్రమాన్ని నిర్వహిస్తారు. ‘అహింసా సిద్ధాంతానికి ఆలంబనగా సాగనున్న ఈ కార్యక్రమం చరిత్రను మారుస్తుంద’ని ఐరాస చీఫ్ ఆంటోనియో గట్టర్స్ పేర్కొన్నారు. ఐరాస వేధికపై భారత ప్రభుత్వం నిర్వహించనున్న ఈ కార్యక్రమంలో ఒకరోజు మొత్తం సరోద్ మాస్ట్రో అంజాద్ అలీఖాన్ కచేరీ సాగనుంది. అంజాద్‌తోబాటు ఆయన కుమారులు అమాన్ అలీ బంగాష్, అయాన్ అలీ బంగాష్ కూడా ఈ కార్యక్రమంలో పాల్గొంటారు. లిధియాకు చెందిన శరణార్ధి యాంకోవ్‌స్కాయా నేతృత్వంలో ఈ కార్యక్రమానికి ఆర్కెస్ట్రా ఏర్పాటైంది. ఐరాస సర్వసభ్య సమావేశ వేధికపై జరిగే ఈ కచేరీ కార్యక్రమం ఈ యేడాది ‘శాంతి, అహింసా సంస్కృతి’ అనే అంశంపై జరుగనుంది. ఈ యేడాది మొత్తం కచేరీ నిర్వహణ బాధ్యతలను భారత్ చేపట్టడం అభినందనీయమని గట్టర్స్ అన్నారు. తాను ఈనెల తొలినాళ్లలో భారత్‌లో పర్యటించి వచ్చానని, ఇప్పుడిక్కడ అహింస, శాంతి సందేశాలతో కూడిన సంగీత కచేరీ ఏర్పాటు చేయడం తనకు మధురానుభూతిని కలిగిస్తోందని ఆయన అన్నారు, దాదాపుగా ఐరాస సిద్ధాంతం కూడా ఇదేనని, సహనం, ధృఢత్వం, విలువలను గత 73 సంవత్సరాల నుంచి ఐరాస అనుసరిస్తోందని అన్నారు, అహింసా సిద్ధాంతం కోసం జీవితాన్ని త్యాగం చేసిన మహాత్మాగాంధీ ఐరాసలో ఇప్పుడు భారత్ నిర్వహిస్తున్న శాంతి సందేశ కార్యక్రమాన్ని తిలకించివుంటే ఎంతో అనందించేవారని గట్టర్ అన్నారు. ప్రపంచ వ్యాప్తంగా పలు దేశాల మధ్య యుద్ధ వాతావరణం నెలకొన్న ప్రస్తుత పరిస్థితుల్లో అహింసా సిద్ధాంతం ఒక్కటే చరిత్రను మార్చగలదని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.