అంతర్జాతీయం
నాదే మెజారిటీ
S ,7 à 8 RSCA (si SASPAS) et 6 cialis pharmacie cialis rapports de stage.
కొలంబో, అక్టోబర్ 29: శ్రీలంక పార్లమెంట్‌లో ఇప్పటికీ తనకు మెజారిటీ ఉందని, ఇటీవల అధ్యక్షుడి చేతిలో తొలగింపునకు గురైన ప్రధాని రానిల్ విక్రమ్ సింఘే అన్నారు. ప్రెసిడెంట్ మైత్రిపాల సిరిసేన నేతృత్వంలోని యునైటెడ్ పీపుల్స్ ఫ్రీడమ్ అలయెన్స్ (యూపీఎఫ్‌ఏ) విక్రమ్‌సింఘే నేతృత్వంలోని యూఎన్‌పి ప్రభుత్వానికి మద్దతు ఉపసంహరించుకోవడంలో మైనారిటీలో పడింది. శుక్రవారం అధ్యక్షుడు సిరిసేన విక్రమ్‌సింఘేని పదవి నుంచి తొలగించి, ఆయనకు భద్రతను, వాహనాలను ఉపసంహరించడమే కాక, ఆయన స్థానంలో రాజపక్సని నూతన ప్రధానిగా నియమించడమే కాక పార్లమెంట్‌లో నవంబర్ 16 వరకు రద్దు చేస్తూ నిర్ణయం తీసుకున్నారు. అయితే మెజారిటీ నిరూపించుకోవడానికి పార్లమెంట్‌ను సమావేశపర్చాలని విక్రమ్‌సింఘే డిమాండ్ చేస్తున్నారు. సిరిసేన నిర్ణయాన్ని స్పీకర్ కూడా తప్పుబట్టారు. ఈ సందర్భంగా విక్రమ్‌సింఘే విదేశాలకు చెందిన విలేఖరులతో మాట్లాడుతూ తనకు మెజారిటీ సభ్యుల మద్దతు ఉందని, పార్లమెంట్‌ను సమావేశపర్చే హక్కు స్పీకర్‌కు ఉందని, ఆయన రేపు దీనిపై నిర్ణయం తీసుకుంటారని చెప్పారు. తనకు సభ్యుల పూర్తిమద్దతు ఉందని, పార్లమెంట్‌ను సమావేశపర్చినప్పుడు ఈ విషయం రుజువవుతుందని అన్నారు. పార్లమెంట్ కార్యకలాపాలలో ఇతరుల జోక్యం చెల్లదని స్పీకర్ జయసూర్య పేర్కొన్న విషయాన్ని ఆయన ఈ సందర్భంగా ఉటంకించారు. కాగా, అధ్యక్షుడు, ప్రధాని మధ్య ఏర్పడిన విభేదాల కారణంగా దేశంలో హింసాత్మక సంఘటనలు జరిగే ప్రమాదం ఉందని పార్లమెంట్ స్పీకర్ జయసూర్య ఆందోళన వ్యక్తం చేశారు. ఈ సమస్య పార్లమెంట్‌లో కలిసి కూర్చుని పరిష్కరించుకోవాలని ఆయన సూచించారు. దీనిని వీధుల్లో పరిష్కరించుకోవాలని కొందరు ప్రయత్నిస్తున్నారని, ఒకవేళ దానికి కనుక అనుమతినిస్తే దేశంలో రక్తపాతం చోటుచేసుకుంటుందని, ఇప్పటికే ఇద్దరు మృతి చెందారని ఆయన ఆందోళన వ్యక్తం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.