అంతర్జాతీయం
భారతీయ విద్యార్థుల అరుదైన ప్రతిభ
S ,7 à 8 RSCA (si SASPAS) et 6 cialis pharmacie cialis rapports de stage.
హౌస్టన్, డిసెంబర్ 20: ప్రపంచ జ్ఞానంతోబాటు, శాస్త్ర పరిజ్ఞానంలో అత్యంత ప్రతిభావంతులైన 25 మంది విద్యార్థుల జాబితాలో భారతీయ మూలాలున్న ముగ్గురు విద్యార్థులకు స్థానం దక్కింది. 2018 సంవత్సరానికి గాను టైమ్స్ మ్యాగజైన్ 19 సంవత్సరా లోపు వయసుగల అత్యంత ప్రతిభావంతులైన విద్యార్థుల జాబితాను గురువారం విడుదల చేసింది. భారతీయ అమెరికన్లు కావ్య కొప్పరపు, రిషబ్ జైన్, ఆంగ్లో ఇండియన్ అమికా జార్జిలు ఈ ఘనత దక్కించుకున్నారు. వీరు తమ పనితీరు, ఔన్నత్యంతో అద్భుతమైన లక్ష్యాన్ని సాధించి యువతకు ఆదర్శంగా నిలిచారు. ఎనిమిదోగ్రేడ్ విద్యార్థి రిషబ్ ‘ఆల్గారిథమ్’ అనే విధానాన్ని ఆవిష్కరించి అందరి శాస్తవ్రేత్తల మన్ననలను అందుకున్నాడు. ఈ విధానం ద్వారా పాంక్రియాటిక్ క్యాన్సర్‌ను నయం చేయవచ్చు. అలాగే హార్వార్డ్ విశ్వవిద్యాలయంలో ఇటీవలే చేరిన కావ్య కొప్పరపు అత్యంత లోతైన అధ్యయనానికి దోహదపడే కంప్యూటర్ సిస్టంకు రూపకల్పన చేసింది. గ్లియోబ్లస్టోమా వంటి భయంకరమైన మెదడు క్యాన్సర్ నుంచి బయటపడే అవకాశాలను ఈ విధానం మరింతగా పెంచింది. 30 సంవత్సరాల కాలంగా ఇలాంటి విధానం ఎవరూ కనుగొనలేదని విజాన శాస్తవ్రేత్తలు కితాబిచ్చారు. మృత్యుముఖంలో ఉండే ఇలాంటి రోగులకు సమగ్రమైన లక్ష్యంతోకూడిన థెరపీని అందించాలని ఆమె లక్ష్యంగా పెట్టుకుందని టైం మ్యాగజైన్ వివరించింది. ఇక ఇంగ్లాండ్‌కు చెందిన అమికా జార్జి మహిళల ప్రగతికి పగ్గాలు వేస్తున్న ‘పీరియడ్ పావర్టీ’ని పారదోలే విషయంలో విధాన నిర్ణయాలు చేసే వారికి సరైన దృక్పథాన్ని చూపేందుకు కృషి చేస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.