అంతర్జాతీయం
అమెరికా అధ్యక్ష పదవికి పెరుగుతున్న పోటీ
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: అమెరికా అధ్యక్ష పదవికి 2020లో జరిగే ఎన్నికల్లో పోటీ చేస్తానని అమెరికా కాంగ్రెస్‌కు డెమాక్రటిక్ పార్టీ నుంచి ఎన్నికైన తొలి హిందువుతులసి గబ్బార్డ్ ప్రకటించారు. వచ్చే వారంరోజుల్లో తన అభ్యర్థిత్వంపై అధికారికంగా ప్రకటించనున్నట్లు ఆమె చెప్పారు. డెమాక్రటిక్ పార్టీ తరఫున చాలా మంది అధ్యక్ష పదవి రేసులో ఉన్నారు. భారత సంతతికి చెందిన కాలిఫోర్నియా సెనెటర్ కమల హరీస్ కూడా అధ్యక్ష పదవి రేసులో ఉన్నారు. తాను నాలుగుసార్లు అమెరికా కాంగ్రెస్‌కు డెమాక్రటిక్ పార్టీ నుంచి ఎన్నికైనట్లు తులసి గబ్బార్డ్ తెలిపారు. అధ్యక్ష పదవికి పోటీ చేసేందుకు తనకు అన్ని అర్హతలు ఉన్నాయని ఆమె చెప్పారు. ప్రతి అమెరికా పౌరుడికి ఆరోగ్య సదుపాయాలు, బీమా పాలసీ బెనిఫిట్లు అందించాలని లక్ష్యంగా పెట్టుకున్నట్లు ఆమె చెప్పారు. సమగ్ర ఇమ్మిగ్రేషన్ విధానాన్ని తెస్తానన్నరు. పరిశుభ్రమైన నీరు, గాలి అందించేందుకు వీలుగా పర్యావరణాన్ని పరిరక్షించాలన్నారు. నేర న్యాయ వ్యవస్థను సరైన దారిలో పెట్టనున్నట్లు చెప్పారు. రానున్న రోజుల్లో మీడియాతో తన భావాలను పంచుకుంటానని చెప్పారు. అధ్యక్ష పదవికి తాను ఎందుకు పోటీపడుతున్నానో తెలియచేస్తూ ట్వీట్ చేశారు. అమెరికన్ ప్రజల సహకారం కావాలని కోరారు. అమెరికాలోని సమావో ప్రాంతంలో ఆమెజన్మించారు. ఆమె హిందూమతంలోకి మారారు. అమెరికా అధ్యక్ష పదవికి పోటీపడనున్న తొలి హిందువు తులసి కావడం విశేషం. అమెరికాలో స్థిరపడిన భారతీయుల్లో తులసికి పాపులారిటీ ఉంది. ఒక వేళ కాలం కలిసి వచ్చి ఎన్నికల్లో గెలిస్తే అమెరికా అధ్యక్ష పదవిని అలంకరించిన తొలి క్రైస్తవేతర వ్యక్తి, హిందూ మహిళ కావడం నిజంగా రికార్డే. అమెరికా జనాభాలో హిందువుల జనాభా ఒక శాతం కంటే తక్కువ. హవాలీ నుంచి ఆమె నాల్గవ సారి అమెరికా కాంగ్రెస్‌కు ఎన్నికయ్యారు. 2020 నవంబర్‌లో అమెరికా అధ్యక్ష పదవికి ఎన్నికలు జరుగుతాయి. ట్రంప్ మరోసారి ఎన్నిక కావాలనికోరుకుంటున్నారు. ఈ దిశగా ట్రంప్ తన ప్రయత్నాలను ముమ్మరం చేశారు. క్రిమినల్ జస్టిస్,హెల్త్ కేర్ రంగాల్లో మంచి మార్పులు తెస్తానని తులసి అంటున్నారు. అమెరికా మాజీ ఉపాధ్యక్షుడు జోయ్ బిడన్ కూడా తాను 2020 ఎన్నికల్లో పోటీ చేస్తానని ప్రకటించారు. సెనెటర్లు కిర్‌స్టెన్ గిల్లీ బ్రాండ్, అమీ క్లోబూచర్, టిమీ కైనేలు కూడా వచ్చే ఎన్నికల్లో పోటీ చేసేందుకు సమాయత్తమవుతున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.