అంతర్జాతీయం
కాస్త తగ్గిన నిరుద్యోగిత రేటు
S ,7 à 8 RSCA (si SASPAS) et 6 cialis pharmacie cialis rapports de stage.
జెనీవా, ఫిబ్రవరి 13: ప్రపంచంలో నిరుద్యోగిత రేటు గత సంవత్సరం తగ్గిందని ఐక్యరాజ్య సమితి (ఐరాస) బుధవారం తెలిపింది. అయితే, ఉద్యోగాలు తరచుగా యోగ్యమయిన జీవనాన్ని కల్పించడంలో విఫలమవుతున్నాయని పేర్కొంది. సుమారు 700 మిలియన్ల మంది వర్కర్లు పేదరికంలో కొట్టుమిట్టాడుతున్నారని వివరించింది. ప్రపంచంలో 2017లో 5.1 శాతం ఉన్న నిరుద్యోగం గత సంవత్సరం 5.0 శాతానికి తగ్గింది. 2008లో ప్రపంచ ఆర్థిక మాంద్యం సంభవించినప్పటి నుంచి ఇప్పటి వరకు ఈ స్థాయిలో నిరుద్యోగం తగ్గడం ఇదే మొదటిసారని ఇంటర్నేషనల్ లేబర్ ఆర్గనైజేషన్ (ఐఎల్‌ఓ) తెలిపింది. అయితే, ప్రపంచ జాబ్ మార్కెట్‌లో ఆరోగ్య పరిస్థితిపై ఐఎల్‌ఓ ‘వరల్డ్ ఎంప్లాయ్‌మెంట్ అండ్ సోషల్ ఔట్‌లుక్’ పేరిట విడుదల చేసిన తన నివేదికలో ఆందోళన వ్యక్తం చేసింది. ఐఎల్‌ఓ డిప్యూటి డైరెక్టర్ జనరల్ డెబొరా గ్రీన్‌ఫీల్డ్ జెనీవాలో విలేఖరులతో మాట్లాడుతూ ప్రపంచ నిరుద్యోగం కొంత తగ్గినప్పటికీ, అనేక రంగాలలో అనిశ్చితి నెలకొందని, ఆర్థిక పరిస్థితి దిగజారుతోందని పేర్కొన్నారు. కార్మికుల సంఖ్య పెరుగుతున్న కారణంగా వచ్చే సంవత్సరం మొత్తం నిరుద్యోగుల సంఖ్య రెండు మిలియన్లు పెరిగి, 174 మిలియన్లకు చేరుకుంటుందని, అయినప్పటికీ 2019, 2020లలో కూడా నిరుద్యోగం రేటు సుమారు ఇదే స్థాయిలో ఉంటుందని ఐఎల్‌ఓ పేర్కొంది. ఒకటి లేదా అంతకన్నా ఎక్కువ ఉపాధి అవకాశాలు కలిగి ఉన్నప్పటికీ, వందల మిలియన్ల మంది ఇంకా పేదరికంలోనే మగ్గుతున్నారని ఈ నివేదిక వెల్లడించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.