అంతర్జాతీయం
గ్లోబల్ విలేజ్..మనమే టాప్!
S ,7 à 8 RSCA (si SASPAS) et 6 cialis pharmacie cialis rapports de stage.
దుబాయ్, ఫిబ్రవరి 17: ఆర్థిక సరళీకరణతో ప్రపంచమంతా ఓ కుగ్రామమైంది. అలాంటిది డజన్లకొద్దీ దేశాల భిన్న సంస్కృతులు ఒకేచోట మేళవిస్తే.. అది కచ్చితంగా గ్లోబల్ విలేజ్! ఏ దేశమేగినా భారతీయుల సంఖ్యకు కొదవలేదు. దుబాయ్‌లో మనవారి సంఖ్య మరీ ఎక్కువ. ఎన్నో దేశాలు పోటీ పడుతూ వంటకాలు మొదలుకుని భిన్న వస్తువులను ప్రదర్శిస్తున్నప్పటికీ ఈ గ్లోబల్ విలేజ్‌లో భారతీయులదే పైచేయి. జనరంజకమైన ‘ఖుదాగవా..’ తరహా పాటలు మొదలుకుని పల్లీ బఠాణీ వరకూ మనవారి తరహా వ్యాపారానికి తిరుగే లేదు. దాదాపు 60 దేశాల నుంచి విభిన్న రంగాలకు చెందిన వ్యాపారులు ఇక్కడ స్టాల్స్‌ను ఏర్పాటు చేసుకున్నారు. గత ఏడాది అక్టోబర్ 30న పారంభమైన ఈ ప్రాజెక్టు ఏప్రిల్ 6 వరకు కొనసాగుతుంది. ఇక్కడ అమెరికా, చైనా, ఈజిప్ట్, టర్కీ తదితర దేశాలకు చెందిన 27 పెవిలియన్స్‌ను ఏర్పాటు చేసినప్పటికీ భారతీయులదే అతిపెద్ద పెవిలియన్.
దాదాపు 11000 చదరపు మీటర్ల విస్తీర్ణంలో ఈ పెవిలియన్ ఏర్పాటు చేశారు. గ్లోబల్ విలేజ్‌లో ఇంతవరకూ ఏర్పాటు చేసిన పెవిలియన్లలో ఇదే అతి పెద్దదని ఈ పెవిలియన్ నిర్వాహకుడు ఈ4 ఎంటర్‌టైనర్స్ మేనేజింగ్ డైరెక్టర్ సునిల్ భాటియా వివరించారు. సందర్శకులను ఆకర్షించేందుకు ప్రతి ఏడాది కొత్త తరహాలో పెవిలియన్‌ను ఏర్పాటు చేయడం జరుగుతోందని ఆయన తెలిపారు. ఇక్కడ ప్రముఖంగా హైదరాబాద్ చీరలు, కొలాబా పెర్‌ఫ్యూమ్, కశ్మీర్ హేండ్‌లూమ్స్, రాజస్థాన్ హెన్నాలకు మంచి ఆదరణ లభిస్తోందని అన్నారు. ఇక్కడ తినుబండారాల ధరలు కొంచెం ఎక్కువేనని సందర్శకులు తెలిపారు. ఒక పీనట్ కోన్ ధర ఐదు ధిర్‌హామ్స్ ఉంటోందని వారు వాపోయారు. అయితే విదేశీయులు వీటిని బాగానే కొనుగోలు చేస్తారని, భారతీయులు మాత్రమే ఆచితూచి కొనుగోలు చేస్తుంటారని తెలిపారు. ఈ ప్రాజెక్టు కాలం ముగిసిన వెంటనే నిర్మాణాలన్నీ కూల్చివేసి ప్రతి యేటా కొత్తవాటిని నిర్మిస్తుండడం విశేషం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.