అంతర్జాతీయం
హైకమిషనర్‌ను స్వదేశానికి పిలిపించిన పాక్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఫిబ్రవరి 18: జమ్మూ-కాశ్మీర్‌లోని పుల్వామాలో గత గురువారం జైషే ఉగ్రవాదుల భీకర దాడిలో 44 మంది సీఆర్‌పీఎఫ్ బలగాలు హతమైన సందర్భంగా చోటుచేసుకున్న ఉద్రిక్త పరిస్థితుల నేపథ్యంలో భారత్‌లో హైకమిషనర్‌గా పనిచేస్తున్న సొహైల్ మహమూద్‌ను పాకిస్తాన్ ఉన్నఫళంగా సోమవారం స్వదేశానికి పిలిపించింది. పుల్వామా ఘటన నేపథ్యంలో ఇరు దేశాల మధ్య ద్వైపాక్షిక సంబంధాల్లో తీవ్ర ఒత్తిడులు నెలకొన్నందున దీనిపై చర్చించేందుకు తక్షణమే స్వదేశానికి రావాలని తమ దేశ హైకమిషనర్‌కు పాక్ ఆదేశాలు జారీ చేసింది. దీంతో భారత్‌లోని పాక్ హైకమిషనర్ సొహైల్ మహమూద్ సోమవారం ఉదయం హుటాహుటిన ఇస్లామాబాద్‌కు బయలుదేరారు. ఈ విషయాన్ని విదేశీ మంత్రిత్వ శాఖ కార్యాలయ అధికార ప్రతినిధి మహమ్మద్ ఫైజల్ స్పష్టం చేశారు. ‘చర్చలు జరిపేందుకు వీలుగా భారత్‌లోని మా హైకమిషనర్‌ను స్వదేశానికి రమ్మని పిలిచాం. దీంతో ఆయన ఢిల్లీ నుంచి వెంటనే బయలుదేరారు’ అని మహమ్మద్ ఫైజల్ ట్విటర్ వేదికగా పేర్కొన్నారు. 44 మంది సీఆర్‌పీఎఫ్ సైనికులను పాక్ ముష్కరులు బలిగొన్న నేపథ్యంలో గత శుక్రవారంనాడే భారత విదేశీ కార్యదర్శి విజయ్ గోఖలే పాక్ హైకమిషనర్ మహమూద్‌కు సమనున్ల జారీ చేశారు. కాగా, పుల్వామా ఘటన జరిగిన వెంటనే పాక్‌లోని భారత హైకమిషనర్ అజయ్ బిసారియాను చర్చల కోసం తక్షణం స్వదేశానికి రావాలని పిలిపించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.