అంతర్జాతీయం
హెచ్-1బీ వీసాల నియమాల్లో మార్పు!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఫిబ్రవరి 22: అమెరికాలో హెచ్-1బీ వీసాలు కలిగి ఉన్నవారి దాంపత్య భాగస్వాములకు ఉద్యోగం చేయడానికి ఉన్న అనుమతిని తొలగిస్తూ ప్రస్తుత నియమావళికి మార్పులు చేసే ప్రతిపాదనను అధ్యక్ష భవనం వైట్ హౌస్ స్వీకరించింది. భారత్‌కు చెందిన ఐటీ నిపుణుల్లో ఎక్కువ మంది అమెరికాలో ఉండటానికి హెచ్-1బీ వీసాను తీసుకుంటున్నారు. అమెరికా ప్రభుత్వం ఈ ప్రతిపాదనను ఆమోదిస్తే హెచ్-1బీ వీసాలు కలిగి ఉన్న దాదాపు 90 వేల మందిపై దాని ప్రభావం పడుతుంది. ఈ 90వేల మందిలో అత్యధికులు భారత్‌కు చెందిన వారే ఉన్నారు. డిపార్ట్‌మెంట్ ఆఫ్ హోమ్‌లాండ్ సెక్యూరిటి ఈ ప్రతిపాదనను ‘వైట్ హౌస్ ఆఫీస్ ఆఫ్ మేనేజ్‌మెంట్ ఫర్ బడ్జెట్’కు బుధవారం సమర్పించిందని అధికారులు తెలిపారు. అమెరికన్ కంపెనీలు సైద్ధాంతిక, సాంకేతిక నైపుణ్యం గల విదేశీయులను ఉద్యోగులుగా నియమించుకోవడానికి నాన్-ఇమ్మిగ్రేంట్ వీసా అయిన హెచ్-1బీ వీసా వీలు కల్పిస్తోంది. అమెరికాలోని టెక్నాలజి కంపెనీలు ప్రతి సంవత్సరం భారత్, చైనా వంటి దేశాల నుంచి హెచ్-1బీ వీసాల ఆధారంగా వేలాది మందిని ఉద్యోగులుగా నియమించుకుంటున్నాయి. ఈ వీసాలు కలిగి ఉన్న వారి దాంపత్య భాగస్వాములు అమెరికాలో ఉద్యోగాలు చేయడానికి ఉన్న అనుమతిని తొలగిస్తూ నియమాలను సవరించే ప్రతిపాదనపై ఇప్పుడు వైట్ హౌస్ నిర్ణయం తీసుకోవలసి ఉంది. ఆ తరువాత లాంఛనంగా ఆదేశాలు జారీ చేస్తారు. అనంతరం ఈ విషయాన్ని డిపార్ట్‌మెంట్ ఆఫ్ హోమ్‌ల్యాండ్ సెక్యూరిటి ఫెడరల్ కోర్ట్‌కు తెలియచేస్తుంది. ఫెడరల్ కోర్టులో ఇప్పటికే ఈ అంశంపై ఒక వ్యాజ్యం పెండింగ్‌లో ఉంది. ఇప్పుడు వైట్ హౌస్ ప్రతిపాదిత సవరణలను సమీక్షిస్తుంది. వివిధ ఏజెన్సీల నుంచి అవసరమయిన సమాచారం తీసుకుంటుంది. ఆ తరువాత తుది నిర్ణయం తీసుకుంటుంది. ఈ మొత్తం ప్రక్రియ పూర్తి కావడానికి కొన్ని వారాల నుంచి అనేక నెలల వరకు సమయం పట్టవచ్చు. అమలులో ఉన్న ప్రక్రియ ప్రకారం ఒకసారి వైట్ హౌస్ ఆమోదం లభిస్తే సవరించిన నియమాలను ఫెడరల్ రిజిస్టర్‌లో ప్రచురిస్తారు. తరువాత 30 రోజుల కామెంట్ పీరియడ్ ఉంటుంది. ఈ కాలపరిమితి పూర్తయిన తరువాతే కొత్తగా చేసిన సవరణలు అమలులోకి వస్తాయి. సెనేటర్ కమల హర్రిస్ సహా కొంతమంది అమెరికా చట్టసభల సభ్యులు, సిలికాన్ వ్యాలీ కంపెనీలు తీవ్రంగా వ్యతిరేకిస్తున్నప్పటికీ అమెరికా పాలనా యంత్రాం గం హెచ్-1బీ వీసాల నియమాలను సవరించనుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.