అంతర్జాతీయం
భారత్‌పై మరో ఉగ్ర దాడి జరిగితే.. పాకిస్తాన్‌కు తీవ్ర సమస్యే
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్య సమితి, మార్చి 21: పాకిస్తాన్‌లోని ఉగ్రవాదులకు వ్యతిరేకంగా స్థిరమయిన, నిరూపణీయమయిన, తిప్పివేయడానికి వీలులేని చర్యలు తీసుకోవాలని ఆ దేశానికి అమెరికా సూచించింది. భారత్ మీద మరో ఉగ్రవాద దాడి జరిగితే పరిస్థితి మిక్కిలి సమస్యాత్మకంగా మారుతుందని హెచ్చరించింది. ‘పాకిస్తాన్ తన దేశంలోని ఉగ్రవాద సంస్థలపై నిర్మాణాత్మకమయిన, స్థిరమయిన చర్యలు తీసుకునేలా మనం చూడవలసి ఉంది. ప్రధానంగా జైష్ ఎ మహమ్మద్ (జేఈఎం), లష్కర్ ఎ తోయిబా (ఎల్‌ఈటీ)లపై చర్యలు తీసుకునేలా చూడాలి. ఎందుకంటే ఆ ప్రాంతంలో మళ్లీ ఉద్రిక్తతలు పెరగకుండా చూడవలసి ఉంది’ అని అమెరికా అధ్యక్ష భవనం వైట్ హౌస్‌లో బుధవారం ఒక సీనియర్ పరిపాలనాధికారి విలేఖరులతో మాట్లాడుతూ అన్నారు. ‘పాకిస్తాన్ ఉగ్రవాద సంస్థలపై నిజాయతీతో స్థిరమయిన చర్యలు తీసుకోకుంటే, మరోసారి భారత్‌పై ఉగ్రవాద దాడి జరిగితే, అది పాకిస్తాన్‌కు మిక్కిలి సమస్యాత్మకంగా మారుతుంది. ఫలితంగా ఆ ప్రాంతంలో తిరిగి ఉద్రిక్తతలు పెరుగుతాయి. అది ఇరు దేశాలకు ప్రమాదకరం’ అని ఆ అధికారి పేర్కొన్నారు. భారత వాయుసేన (ఐఏఎఫ్) పాకిస్తాన్‌లోని బాలాకోట్‌లో గల జేఈఎం ఉగ్రవాద సంస్థ శిక్షణ శిబిరాలపై వైమానిక దాడి చేసిన తరువాత పాకిస్తాన్ తీసుకున్న చర్యలేమిటని అడగ్గా, పాకిస్తాన్ ఉగ్రవాద సంస్థలకు వ్యతిరేకంగా స్థిరమయిన, తిప్పివేయడానికి వీలులేని చర్యలు తీసుకునేలా అమెరికా, అంతర్జాతీయ సమాజం చూడవలసిన అవసరం ఉంది’ అని ఆయన బదులిచ్చారు. ‘ఇంత త్వరగా పూర్తి స్థాయిలో మదింపు వేయజాలం’ అని ఆ అధికారి పేర్కొన్నారు. పాకిస్తాన్ ఇటీవల ఉగ్రవాద సంస్థలపై కొన్ని ప్రాథమిక చర్యలు తీసుకుందని ఆ అధికారి అన్నారు. వారు కొన్ని ఉగ్రవాద సంస్థల ఆస్తులను స్తంభింపచేశారని, కొంతమంది ఉగ్రవాదులను అరెస్టు చేశారని ఆయన పేర్కొన్నారు. పాకిస్తాన్ జేఈఎంకు చెందిన కొన్ని కేంద్రాలను తన పాలనాపరమయిన నియంత్రణలోకి తెచ్చుకుందని చెప్పారు.
‘పాకిస్తాన్ ఉగ్రవాద సంస్థలపై మరిన్ని చర్యలు తీసుకునేలా చూడవలసి ఉంది. అవి తిప్పివేయడానికి వీలులేని చర్యలు అయి ఉండాలి. ఎందుకంటే, మనం గతంలో ఏం జరిగిందో చూశాం. వారు కొంతమందిని అరెస్టు చేశారు. కొన్ని నెలల తరువాత వారిని వదిలేశారు. ఉగ్రవాద నాయకులు కొంత మంది విదేశాలకు వెళ్లడానికి, అక్కడ ర్యాలీలు నిర్వహించుకోవడానికి వీలు కల్పించారు’ అని ఆ అధికారి పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.