అంతర్జాతీయం
సుప్రీం కోర్టులో నవాజ్‌కు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మార్చి 26: పాకిస్తాన్ సుప్రీంకోర్టులో ఆ దేశ మాజీ ప్రధానమంత్రి నవాజ్ షరీఫ్‌కు ఊరట లభించింది. జైలులో ఉన్న షరీఫ్ వైద్య చికిత్స చేయించుకోవడానికి సుప్రీంకోర్టు మంగళవారం ఆరు వారాల బెయిల్ మంజూరు చేసింది. 69 ఏళ్ల షరీఫ్ అల్ అజీజియా స్టీల్ మిల్స్ అవినీతి కేసులో ఏడేళ్ల కారాగార శిక్షను అనుభవించడానికి గత సంవత్సరం డిసెంబర్ నుంచి లాహోర్‌లోని కోట్ లఖ్‌పత్ జైలులో ఉన్నారు. వైద్య చికిత్స చేయించుకోవడానికి బెయిల్ ఇవ్వాలని షరీఫ్ పెట్టుకున్న పిటిషన్‌ను ఇస్లామాబాద్ హైకోర్టు ఫిబ్రవరి 25న తోసిపుచ్చింది. హైకోర్టు నిర్ణయాన్ని సవాలు చేస్తూ షరీఫ్ ఈ నెల మొదట్లో సుప్రీంకోర్టులో అప్పీలు చేశారు. ప్రధాన న్యాయమూర్తి ఆసిఫ్ సరుూద్ ఖోసా నేతృత్వంలోని ముగ్గురు సభ్యుల సుప్రీంకోర్టు ధర్మాసనం మంగళవారం షరీఫ్‌కు వైద్య చికిత్స కోసం ఆరు వారాల పాటు బెయిల్ మంజూరు చేస్తూ ఆదేశాలు జారీ చేసింది. అయితే, ఈ బెయిల్ పొందిన కాలంలో షరీఫ్ దేశం విడిచి వెళ్లరాదని సుప్రీంకోర్టు ఆదేశించింది.
చిత్రం.. నవాజ్ షరీఫ్ కేసుపై తీర్పు వెలువరించనున్న నేపథ్యంలో
పాక్ సుప్రీంకోర్టు ముందు మోహరించిన బలగాలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.