అంతర్జాతీయం
పాక్‌లో మరో హిందూ బాలిక కిడ్నాప్
S ,7 à 8 RSCA (si SASPAS) et 6 cialis pharmacie cialis rapports de stage.
కరాచీ, మార్చి 26: ఇద్దరు హిందూ బాలికలను కిడ్నాప్ చేసి, బలవంతంగా మతాన్ని మార్చుకునేలా చేసారన్న ఆరోపణల వేడి తగ్గకముందే పాకిస్తాన్‌లోని సింధ్ ప్రాంతంలో మరో మైనర్ హిందూ బాలిక కిడ్నాప్‌కు గురైంది. నేవార్ కమ్యూనిటీకి చెందిన 16 సంవత్సరాల ఈ హిందూ బాలికను బదిల్ జిల్లా నుంచి కిడ్నాప్ చేశారంటూ వెలుగులోకి వచ్చిన వార్త వైరల్‌గా మారింది. తన కుమార్తె కిడ్నాప్‌కు గురైందంటూ ఆ బాలిక తండ్రి ఫిర్యాదు చేశారు. అయితే, ఆ బాలిక ఎప్పుడు కిడ్నాప్‌కు గురైందన్న దానిపై స్పష్టత లేనప్పటికీ దీనిపై ఎఫ్‌ఐఆర్ దాఖలు చేయాలని సింధ్ అధికారులు ఆదేశించారు. అలాగే ఆ బాలిక కుటుంబానికి రక్షణ కల్పించాలని కోరారు. సింధ్ రాష్ట్రంలో మైనర్ బాలికలకు వివాహం చేయడమన్నది చట్టరీత్యా నిషేధం. 18 సంవత్సరాలు దాటిన బాలికలకు మాత్రమే వివాహం చేసే అర్హత ఉంటుంది. ఇప్పటికే రవీనా (13), రీనా (15) అనే ఇద్దరు హిందూ బాలికలను హోలీ సందర్భంగా కొందరు కిడ్నాప్ చేసినట్టుగా వచ్చిన వార్తలు భారత్-పాక్‌ల మధ్య ఉద్రిక్తతలను పెంచాయి. వీరి కిడ్నాప్, బలవంతపు వివాహాలకు సంబంధించిన వీడియోలు కూడా వెలుగులోకి రావడంతో పరిస్థితి తీవ్రంగా మారింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.