అంతర్జాతీయం
పాక్‌లో భారీ వర్షాలు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఏప్రిల్ 16: పాకిస్తాన్‌లోని పంజాబ్, సింధ్‌లోని వివిధ ప్రాంతాల్లో సోమవారం పడిన భారీ వర్షాలు జనజీవనాన్ని అతలాకుతలం చేశాయి. భారీ వర్షాలకు తోడు వరద నీటి ప్రభావంతో దాదాపు 28 మంది మరణించగా, 26 మంది వరకు తీవ్రంగా గాయపడ్డారు. ఇక్కడి మీడియా కథనం ప్రకారం..మంగళవారం ఉరుములు, మెరుపులతో కూడిన పడిన భారీ వర్షాల ప్రభావం వల్ల చాలా ప్రాంతాల్లో విద్యుత్ స్తంభాలు నేలకూలాయి. చెట్లు కూకటివేళ్లతో సహా పెకిలించబడ్డాయి. దేశంలోని పలు ప్రాంతాల్లో వర్షం, వరదల తాకిడి వల్ల భారీ ఆస్తి నష్టం వాటిల్లింది. పాకిస్తాన్‌లోని ఈశాన్య, సెంట్రల్, తూర్పు ప్రాంతాల్లోని మట్టి ఇళ్లు నేలమట్టమయ్యాయి. పలుచోట్ల రహదారులు ఛిద్రమై రవాణాకు తీవ్ర ఆటంకం కలిగిందని ఇస్లామాబాద్‌లోని డాన్ అనే పత్రిక పేర్కొంది. పంజాబ్ ప్రాంతంలో పడిన భారీ వర్షాల కారణంగా పలు భవనాలు నేలమట్టమయ్యాయి. ఆయా ప్రాంతాల్లో కనీసం 9 మంది మరణించగా వీరిలో ఇద్దరు మహిళలు కూడా ఉన్నారు. బలూచిస్తాన్ ప్రాంతంలో సైతం భారీ వర్షాల కారణంగా వరద ముంచెత్తడంతో కనీసం 9 మంది మరణించగా, వీరిలో ఒక చిన్నారి కూడా ఉన్నారు. మంగళవారం బలూచిస్తాన్‌లో సంభవించిన వరదల వల్ల ముగ్గురు వ్యక్తులు మరణించగా వీరిలో ఇద్దరు చిన్నారులు ఉన్నారు. క్వెట్టా, గ్వాదర్, ఛగాయ్, హర్నాయ్, డ్యూకీ, జెవానీ, జెఫ్రాబాద్, కొహ్లూ, సిబి, బర్క్‌హాన్, ఛమన్ తదితర జిల్లాలో భారీ వర్షం పడడంతో కాల్వల్లో వరద నీరు ప్రవహిస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.