అంతర్జాతీయం
పాక్ స్టార్ హోటల్‌పై ఉగ్రవాదుల దాడి
S ,7 à 8 RSCA (si SASPAS) et 6 cialis pharmacie cialis rapports de stage.
కరాచి, మే 16: పాకిస్తాన్‌లో మరోసారి ఉగ్రవాదులు రెచ్చిపోయారు. గ్వాదర్‌లోని పెరల్ కాంటినెంటల్ ఫైవ్ స్టార్ హోటల్‌లోకి ముగ్గురు ఉగ్రవాదులు చొరబడ్డారు. దీంతో ఉగ్రవాద నిరోధక పోలీసు బలగాలు, స్థానిక పోలీసులు హోటల్‌ను చుట్టుముట్టినట్లు గ్వాదర్ పోలీసు స్టేషన్ ఇన్‌స్పెక్టర్ అస్లం బంగూల్జాయి తెలిపారు. తొలుత ముగ్గురు ఉగ్రవాదులు ఆ హోటల్‌లోకి బలవంతంగా వెళ్ళేందుకు ప్రయత్నించగా, అక్కడ సెక్యూరిటీ గార్డు వారిని లోపలికి అనుమతించలేదు. దీంతో ఉగ్రవాదులు సెక్యురిటీ గార్డుపై కాల్పులు జరపడంతో గార్డు మృతి చెందాడని ఆయన తెలిపారు. కాల్పుల శబ్ధానికి హోటల్‌లో నివసిస్తున్న వారంతా తీవ్ర భయాందోళనలకు గురయ్యారని ఆయన చెప్పారు. అయితే సైనిక దళాలు, పోలీసులు హోటల్‌లో ఉన్న వారిని 95 శాతం వరకు బయటకు రప్పించగలిగారని ఆయన తెలిపారు. వీరిలో ఎక్కువగా వ్యాపారులు ఉన్నారని, కొంత మంది విదేశీయులూ ఉన్నారని, వారందరినీ క్షేమంగా హోటల్ నుంచి వెలుపలికి తీసుకుని వచ్చినట్లు చెప్పారు. ఉగ్రవాదులను అదుపులోకి తీసుకునేందుకు సైనిక దళాలు కృషి చేస్తున్నాయని తెలిపారు. ఇలాఉండగా ఈ ఘటనను బలోచిస్థాన్ ముఖ్యమంత్రి జామ్ కమల్ ఖాన్ అల్యాని తీవ్రంగా ఖండించారు. హోటల్‌లో ఉన్న పర్యాటకులకు ఎటువంటి హాని జరగకుండా చర్యలు తీసుకోవాల్సిందిగా ఆయన పోలీసు అధికారులను ఆదేశించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.