అంతర్జాతీయం
కాల్పుల్లో 11 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 1: అమెరికాలోని వర్జీనియా రాష్ట్రంలో ఒక వ్యక్తి విచక్షణారహితంగా జరిపిన కాల్పుల్లో 11 మంది మృతి చెందారు. మరో ఆరుగురు గాయపడ్డారు. వర్జీనియా బీచ్‌లో గల ఒక ప్రభుత్వ భవన సముదాయంలో ఈ ఘటన జరిగిందని పోలీసులు తెలిపారు.
సంబంధిత అధికారులు జరిపిన ఎదురుకాల్పుల్లో దుండగుడు కూడా మృతి చెందినట్టు పోలీస్ చీఫ్ జేమ్స్ కెర్‌వెరా శుక్రవారం మీడియా సమావేశంలో తెలిపారు. ‘సంఘటన స్థలంలో 11 మంది బాధితుల మృతదేహాలు ఉన్నాయి. గాయపడిన మరో ఆరుగురిని ఏరియా ఆసుపత్రులకు పంపించడం జరిగింది’ అని ఆయన పేర్కొన్నారు. గాయపడిన వారి పరిస్థితి ఎలా ఉందనేది తెలియరాలేదని ఆయన చెప్పారు. దీర్ఘకాలం పాటు పబ్లిక్ యుటిలిటీస్ విభాగంలో పనిచేసిన ఉద్యోగియే ఈ దారుణానికి ఒడిగట్టాడు. స్థానిక కాలమానం ప్రకారం సాయంత్రం 4 గంటల తరువాత ఈ కాల్పుల ఘటన చోటు చేసుకుంది. సాయుధ దుండగుడు వర్జీనియా బీచ్ మున్సిపల్ కాంప్లెక్స్‌లోని ఒక భవనంలోకి ప్రవేశించి వెంటనే విచక్షణారహితంగా కాల్పులు జరపడం ప్రారంభించాడని కెర్‌వెరా చెప్పారు. గాయపడిన వారిలో ఒక పోలీసు అధికారి కూడా ఉన్నారు. అతను బుల్లెట్‌ప్రూఫ్ జాకెట్ ధరించి ఉండటం వల్ల ప్రాణాలతో బయటపడ్డారు.
‘వర్జీనియా బీచ్ చరిత్రలోనే ఇది అత్యంత వినాశకరమయిన రోజు’ అని మేయర్ బాబీ డైయర్ విలేఖరులతో అన్నారు. అమెరికాలో ఈ సంవత్సరం జరిగిన మాస్ షూటింగ్‌లలో ఇది 150వది. ఒకే కాల్పుల ఘటనలో నలుగురు లేదా అంతకన్నా ఎక్కువ మంది చనిపోతే దానిని మాస్ షూటింగ్‌గా నిర్వచించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.