అంతర్జాతీయం
ఈస్టర్ పేలుళ్ళపై లంక అధ్యక్షుడికి నివేదిక
S ,7 à 8 RSCA (si SASPAS) et 6 cialis pharmacie cialis rapports de stage.
కొలంబో, జూన్ 10: శ్రీ లంకలో వరుస బాంబు పేలుళ్ళ ఘటనలపై ఆ దేశాధ్యక్షుడు మైత్రిపాల సిరిసేనకు త్రిసభ్య సంఘం సోమవారం నివేదిక సమర్పించింది. ఏప్రిల్ 22న ఈస్టర్ సండే సందర్భంలో ప్రధాన చర్చిల్లో, స్టార్ హోటళ్ళలో తొమ్మిది వరుస బాంబు పేలుళ్ళు జరగడంతో శ్రీ లంక అతలాకుతలమైన సంగతి తెలిసిందే. ఈ పేలుళ్ళ ఘటనల్లో 258 మృత్యువాత పడగా, 500 మందికి పైగా గాయపడ్డారు. దీంతో లంక దేశాధ్యక్షుడు సిరిసేన ముగ్గురు సభ్యులతో విచారణ కమిటీని నియమించారు. సుప్రీం కోర్టు జస్టిస్ విజిత్ మలాల్‌గోడ నేతృత్వంలోని ఈ కమిటీలో మాజీ మంత్రిత్వ శాఖ కార్యదర్శి పద్మశ్రీ జయమన్న, మాజీ పోలీసు చీఫ్ ఎన్‌కే ఎలాంగకూన్ సభ్యులుగా ఉన్నారు. ఈ కమిటీ జరిగిన ఘటనలపై క్షుణ్ణంగా ఆరా తీసింది. ఎక్కడ లోపం జరిగింది?, ఎవరి వైఫల్యం?, నిఘా సంస్థలు ఎంత వరకు అప్రమత్తం చేశాయి?, పోలీసులు, సైన్యం అప్రమత్తతతో వ్యవహరించలేదా? వంటి అనేకానేక కోణాలపై అధ్యయనం చేసింది. ఈ మేరకు సోమవారం జస్టిస్ విజిత్ మలాల్‌గోడ నేతృత్వంలోని ఈ కమిటీ సభ్యులు రాష్టప్రతిని కలిసి నివేదిక సమర్పించారు. ఈ ఘటనలపై ఇప్పటి వరకు 106 మంది అనుమానితులను పోలీసులు అదుపులోకి తీసుకుని విచారణ చేస్తున్నారు. అధ్యక్షుడు సిరిసేన ఇదివరకే పోలీసు చీఫ్ జయసుందరపై అనుమానంతో డిస్మిస్ చేసిన సంగతి తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.