అంతర్జాతీయం
చంద్రశేఖర్‌ది ఆత్మహత్యే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 18: అమెరికాలోని లోవా రాష్ట్రంలో ఆంధ్రప్రదేశ్‌కు చెందిన చంద్రశేఖర్ సుంకర (44), అతని కుటుంబ సభ్యుల అనుమానాస్పద మృతిపై చిక్కుముడి కొంత వరకు వీడింది. ఐటీ ప్రొఫెషనల్ అయిన చంద్రశేఖర్ తనను తాను కాల్చుకొని ఆత్మహత్యకు పాల్పడ్డాడని, అతని భార్య, ఇద్దరు కుమారులు హత్యకు గురయ్యారని మృతదేహాలకు పోస్టుమార్టం నిర్వహించిన అనంతరం సోమవారం పోలీసులు తెలిపారు. చంద్రశేఖర్ ఇంట్లోనే అతనితో పాటు అతని భార్య లావణ్య సుంకర (41), కుమారులు ప్రభాస్ సుంకర (14), సుహాస్ సుంకర (11) తూటాలు తగిలిన గాయాలతో మృతిచెంది ఉండటాన్ని పోలీసులు శనివారం ఉదయం కనుగొన్నారు. ఈ నలుగురి మృతదేహాలకు ఆదివారం పోస్టుమార్టం నిర్వహించారు. పోస్టుమార్టం నివేదిక ఆధారంగా చంద్రశేఖర్ సుంకర తనను తాను కాల్చుకొని ఆత్మహత్య చేసుకున్నాడని, అతని భార్య, ఇద్దరు కుమారులు హత్యకు గురయ్యారని ఈ కేసును దర్యాప్తు చేస్తున్న వెస్ట్ డెస్ మోయిన్స్ పోలీస్ డిపార్ట్‌మెంట్ నిర్ధారణకు వచ్చింది. అయితే, చంద్రశేఖర్ కుటుంబ సభ్యులు ముగ్గురిని ఎవరు హత్య చేశారనే విషయంపై పోలీసులు ఇంకా ఒక నిర్ధారణకు రాలేదు. అయితే, ఈ హత్యల దరిమిలా ప్రజలకు ఎలాంటి ముప్పు లేదని పోలీసులు పేర్కొన్నారు. ‘లావణ్య, ఆమె కుమారులు మృతి చెందిన తీరును బట్టి చూస్తే, ఆ ముగ్గురు హత్యకు గురయ్యారు. చంద్రశేఖర్ మృతి చెందిన తీరును బట్టి చూస్తే, అతను తనను తాను కాల్చుకొని మృతి చెందాడు’ అని పోలీసులు ఒక ప్రకటనలో పేర్కొన్నారు. ‘తుపాకి తూటాల గాయాల వల్లే ఈ నలుగురు మృతి చెందినట్టు స్టేట్ మెడికల్ ఎగ్జామినర్స్ కార్యాలయం నిర్ధారించింది’ అని పోలీసులు తెలిపారు. ఆ కుటుంబంలో బ్రతికి ఉన్న వారి నుంచి వివరాలు సేకరించేందుకు అధికారులు ప్రయత్నిస్తున్నారు. చంద్రశేఖర్‌కు ఆయుధాన్ని వెంట ఉంచుకోవడానికి ఏప్రిల్‌లో పర్మిట్ ఇచ్చినట్టు డల్లాస్ కంట్రీ షెరిఫ్ చాద్ లియొనార్డ్ సోమవారం తెలిపారు. అనుమతి లభించిన తరువాత చంద్రశేఖర్ ఒక ఆయుధం కొనుగోలు చేసినట్టు పోలీసులు చెప్పారు.
చంద్రశేఖర్ సుంకర కుటుంబం (ఫైల్)
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.