అంతర్జాతీయం
సుంకాలపై వెనక్కి తగ్గండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్ : అమెరికా ఉత్పత్తులపై భారత్ అనుసరిస్తున్న వైఖరిపై అగ్రరాజ్యం అధినేత డొనాల్డ్ ట్రంప్ తీవ్రంగా విరుచుపడ్డారు. తమ దేశ ఉత్పత్తులపై భారత్ విధిస్తున్న సుంకాలు ‘ఇకపై ఆమోదయోగ్యం కాదు’ అని ఆయన మంగళవారంనాడు వ్యాఖ్యానించారు. జపాన్‌లోని ఒసాకాలో జూన్ 28న జరిగిన జీ-20 శిఖరాగ్ర సదస్సుకు హాజరైన భారత ప్రధాని నరేంద్ర మోదీతో ట్రంప్ సమావేశమైన సందర్భంగా ఇరుదేశాల మధ్య వాణిజ్య రంగంతోపాటు పలు అంశాల్లో నెలకొన్న వివాదాలను పరిష్కరించుకునేందుకు తద్వారా ద్వైపాక్షిక సంబంధాలను మెరుగుపరచుకునేందుకు ఒక అంగీకారానికి వచ్చిన విషయం తెలిసిందే. అయితే, జీ-20 శిఖరాగ్ర సదస్సు జరిగి రెండు వారాలు కూడా పూర్తికాకముందే తమ దేశ ఉత్పత్తులపై పన్నులను ప్రకటించడంతో అమెరికా అధ్యక్షుడు ట్రంప్ భారత్ వైఖరిపై తాజాగా తన అసంతృప్తిని వ్యక్తం చేశారు. ‘్భరత్ దీర్ఘకాలిక ప్రయోజనాలతో అమెరికా ఉత్పత్తులపై సుంకాలను విధిస్తోంది. ఇకపై ఇది ఎంతమాత్రం అమోదయోగ్యం కాదు’ అని అగ్రరాజ్యం అధినేత ట్రంప్ ఒక ట్వీట్ ద్వారా హెచ్చరించారు. ఇదిలావుండగా అమెరికా వాణిజ్య కార్యదర్శి విల్‌బుర్ రాస్, ఇంధన శాఖ కార్యదర్శి రిక్ పెర్రీ వాషింగ్టన్ డీసీలో భారత్ త్వరలో నిర్వహించే ఒక సమావేశాన్ని ఉద్దేశించి మాట్లాడే అవకాశం ఉంది. తమ దేశ ఉత్పత్తులపై భారత్ విధిస్తున్న అత్యధిక పన్నులపై ఈ సమావేశంలో ప్రముఖంగా చర్చకు వచ్చే అవకాశాలు ఉన్నాయని తెలుస్తోంది. ఇరు దేశాల మధ్య దైపాక్షిక సంబంధాలు మెరుగుపడాలంటే అందుకు వాణిజ్యపరంగా జరిగే ఒప్పందాలే అత్యంత కీలకం కానున్నాయి. ఈ నేపథ్యంలో గత కొన్ని నెలలుగా అమెరికా ఉత్పత్తులపై భారత్ అనుసరిస్తున్న వైఖరి ఈ రెండు దేశాల మధ్య మరింత అగాధాన్ని పెంచే అవకాశం ఉందని తెలుస్తోంది. జీ-20 శిఖరాగ్ర సదస్సులో మోదీతో మాట్లాడడానికి ముందు అమెరికా అధ్యక్షుడు మాట్లాడుతూ..‘్భరత్‌లో మా ఉత్పత్తులపై విధిస్తున్న సుంకాలపై వాస్తవాలపై మాట్లాడాలని అనుకుంటున్నాను. చాలా ఏళ్లుగా అమెరికా ఉత్పత్తులపై భారత్ విధిస్తున్న ఎక్కువ పన్నులను గమనిస్తున్నాను. వాటికి తోడు ఇటీవల మరికొన్నింటిపై సుంకాలు పెంచిన ఘటనలు కూడా ఉన్నాయి. ఇది ఎంతమాత్రం ఆమోదయోగ్యం కాదు. తక్షణం ఈ పన్నులను ఉపసంహరించుకోవాలి’ అని పేర్కొన్నారు. అమెరికా నుంచి దిగుమతి అవుతున్న బాదం, వాల్‌నట్, పప్పుదినుసులు వంటి 28 ఉత్పత్తుల దిగుమతిపై భారత్ అత్యధిక సుంకాలను విధించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.