అంతర్జాతీయం
‘వత్తిళ్ల’ వల్లే నవాజ్‌కు శిక్ష వేశా..
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 12: కొన్ని అదృశ్య శక్తుల వత్తిడి కారణంగానే తాను పాకిస్థాన్ మాజీ ప్రధాని నవాజ్ షరీఫ్‌కు ఓ అవినీతి కేసులో ఏడేళ్ళ జైలు శిక్ష విధించానంటూ ఓ వీడియోలో వ్యాఖ్యానించినట్లుగా బయటపడిన అవినీతి నిరోధక కోర్టు న్యాయమూర్తిని పాకిస్థాన్ న్యాయ శాఖ తొలగించింది. హల్ అజీజియా స్టీల్‌మిల్స్ కేసులో నవాజ్ షరీఫ్‌కు జైలు శిక్ష విధిస్తూ అకౌంటబులిటీ కోర్టు న్యాయమూర్తి హర్షద్ మాలిక్ గత ఏడాది డిసెంబర్ 26న తీర్పునిచ్చిన సంగతి తెలిసిందే. అయితే పాక్ ముస్లీంలీగ్ (నవాజ్) పార్టీకి చెందిన ఓ నాయకుడితో మాట్లాడుతున్న సందర్భంగా సదరు న్యాయమూర్తి ఈ విధంగా అన్నట్లుగా వీడియోలో రికార్డు అయ్యింది. ఆ వీడియోను నవాజ్ షరీఫ్ కుమార్తె మారియం బహిర్గతం చేసింది. తనకు కొన్ని అదృశ్య శక్తుల నుంచి తీవ్ర స్థాయిలో వత్తిడి రావడం వల్లే నవాజ్ షరీఫ్‌కు జైలు శిక్ష వేసినట్లుగా ఆ న్యాయమూర్తి అనడంతో ప్రభుత్వం ఇరకాటంలో పడింది. అయితే ఈ వీడియోలోని అంశాలను ఆయన నిరాకరించారు. అవన్నీ బూటకాలనీ వాదిస్తూ శుక్రవారం ఇస్లామాబాద్ హైకోర్టులో అఫిడవిట్ దాఖలు చేశారు. ఈ అంశంపై నిష్పాక్షికంగా దర్యాప్తు జరపాలని ప్రధాన న్యాయమూర్తిని కోరారు. ఈ కేసులో దర్యాప్తు తేలేంత వరకూ అకౌంటబులిటీ కోర్టు న్యాయమూర్తి పదవి నుంచి హర్షద్ మాలిక్‌ను తప్పించాలని కోరుతూ హైకోర్టు ప్రధాన న్యాయమూర్తి న్యాయ శాఖకు లేఖ రాశారు. హైకోర్టు ఆదేశం ప్రకారం హర్షద్ మాలిక్‌ను తొలిగించినట్లుగా పాక్ న్యాయ శాఖ మంత్రి ఫరూఖ్ నాసిం విలేఖరుల సమావేశంలో వెల్లడించారు. అయితే ఏలాంటి వత్తిడి, బెదిరింపు లేకుండానే అవినీతి కేసులో నవాజ్ షరీఫ్‌కు తాను జైలు శిక్ష విధించినట్లుగా అర్షద్ మాలిక్ తన అఫిడవిట్‌లో పేర్కొన్నట్లు హోం మంత్రి వివరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.