అంతర్జాతీయం
కాశ్మీర్‌పై కలిసిరండి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 12: కాశ్మీర్ అంశంపై పాకిస్తాన్‌లోని రాజకీయ పార్టీలన్నీ కలిసి రావాలని విదేశాంగ మంత్రి షా మహ్మూద్ ఖురేషి సోమవారం పిలుపునిచ్చారు. కాశ్మీర్ పరిణామాలపై రాజకీయ విభేదాలకు అతీతంగా బలమైన వాదనను వినిపించాల్సిన అవసరం ఉందని ముజాఫరాబాద్‌లో జరిగిన మీడియా సమావేశంలో ఆయన స్పష్టం చేశారు. పాక్ ఆక్రమిత కాశ్మీర్‌లోని ఈ ప్రాంతంలో జరిగిన ఈద్ ఉత్సవాల్లో ఆయన పాల్గొన్నారు. కాశ్మీర్‌పై యావత్ పాకిస్తాన్, అలాగే దాని నాయకత్వం సమైక్యంగా ముందుకు వెళుతోందని, ఈ నెల 14న ఉమ్మడి గళాన్ని చాలా బలంగా వినిపిస్తామని ఆయన స్పష్టం చేశారు. కాశ్మీరీలకు పాకిస్తాన్ పూర్తి మద్దతు అందిస్తుందని.. 14వ తేదీన కాశ్మీర్ సంఘీభావ దినోత్సవంగా పాటిస్తామని తెలిపారు. అలాగే 370 అధికరణ రద్దు చేసినందుకు ఈ 15వ తేదీన బ్లాక్ డేగా పాటిస్తామని కురేషి తెలిపారు. కాశ్మీర్ అంశంపై భిన్న స్వరాలు వినిపించడం వల్ల అంతిమ లక్ష్యమే దెబ్బతినే ప్రమాదం ఉంటుందని.. అందుకే రాజకీయ పార్టీలన్నీ విభేదాలకు అతీతంగా వ్యవహరించాల్సిన తరుణం ఇదేనని ఆయన తెలిపారు. ఏకపక్షంగా ప్రత్యేక హోదాను భారత్ రద్దు చేయడం వల్ల దాన్ని వ్యతిరేకించడం తప్ప కాశ్మీర్ ప్రజలకు మరో అవకాశం లేకుండా పోయిందని ఖురేషి తెలిపారు. గిల్జిత్-బాల్టిస్తాన్ రాష్ట్రానికి ప్రత్యేక హోదాకు సంబంధించిన ఓ ప్రశ్నకు జవాబిచ్చిన ఖురేషి.. ‘ఈ హోదాను ఇవ్వ డం వల్ల కాశ్మీర్ లక్ష్యం దెబ్బతింటుంది.. అలాగే పాకిస్తాన్ వైఖరి కూడా బలహీనపడే అవకాశం ఉంటుంది.. అయినా కేబినెట్ సమావేశంలో దీని గురించి చర్చించాం’ అని ఆయన తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.