అంతర్జాతీయం
మోదీతో మాట్లాడతా
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్ : ఈ వారాంతంలో ఫ్రాన్స్‌లో జరిగే జీ-7 శిఖరాగ్ర సదస్సులో కాశ్మీర్ అంశంపై భారత ప్రధాని నరేంద్ర మోదీతో మాట్లాడతానని అమెరికా అధ్యక్షుడు డొనాల్డ్ ట్రంప్ వెల్లడించారు. భారత్-పాక్ మధ్య నెలకొన్న ఉద్రిక్తతలను తొలగించేందుకు ప్రయత్నిస్తామని ఆయన తెలిపారు. ఈ అంశంపై సాధారణ పరిస్థితులను పాదుకొల్పేందుకు ప్రయత్నించడం తనకెంతో ఆనందంగా ఉందని ఆయన అన్నారు. ఇరు దేశాల ప్రధానులతోను టెలిఫోన్ సంభాషణలు జరిపిన ట్రంప్ కాశ్మీర్‌పై చేసిన తాజా ప్రకటనకు ప్రాధాన్యత చేకూరింది. ఫ్రాన్స్‌లో భారత ప్రధాని మోదీని కలుసుకోబోతున్నానని అని ట్రంప్ వెల్లడించారు. పాక్ ప్రధాని ఇమ్రాన్ ఖాన్ ఇటీవల అమెరికా వచ్చారని, ఇద్దరు ప్రధానులతోనూ తనకు సత్సంబంధాలు ఉన్నాయని ఆయన అన్నారు. ప్రస్తుతం కాశ్మీర్‌లో పరిస్థితి చాలా ఉద్రిక్తంగా ఉందని, ఇరు దేశాలు హావిడ్జర్ ఫిరంగులను, భారీ ఆయుధాలను వినియోగిస్తున్నాయని ఆయన తెలిపారు. ఈ పరిస్థితిని చల్లార్చేందుకు తనవంతుగా గట్టి ప్రయత్నం చేస్తానని, ఇద్దరు ప్రధానులతోనూ తనకు వ్యక్తిగత సంబంధాలు ఉన్నాయని ఆయన అన్నారు. అయితే, కాశ్మీర్ సమస్య ద్వైపాక్షికమని, ఇందులో మూడో దేశ జోక్యానికి తావే లేదని ఇప్పటికే భారత్ స్పష్టం చేసింది. భారత ఉపఖండంలో కాశ్మీర్ అంశంపై ఎన్నో ఏళ్లుగా చర్చలు జరుగుతూనే ఉన్నాయని, అనేక సందర్భాల్లో ఇవి విఫలమయ్యాయని ట్రంప్ తెలిపారు. ఇరు దేశాల మధ్య ఉద్రిక్తతలకు ప్రధాన కారణమని మతమేనని ఆయన అన్నారు. భారత్‌లో హిందువులు ఉంటే, పాకిస్తాన్‌లో ముస్లింలు ఉన్నారని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.