అంతర్జాతీయం
అన్ని సౌకర్యాలు కల్పిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, సెప్టెంబర్ 3: తమ దేశంలోని పవిత్ర క్షేత్రాలను దర్శించుకునేందుకు వచ్చే సిక్కు యాత్రీకులకు అన్ని సౌకర్యాలు కల్పిస్తామని పాకిస్తాన్ ప్రధాని ఇమ్రాన్ ఖాన్ వెల్లడించారు. కర్తార్‌పూర్‌ను మదీనాగా, నాన్‌ఖానా సాహిబ్‌ను సిక్కులకు మక్కాగా ఆయన అభివర్ణించారు. పాకిస్తాన్‌లో అడుగుపెట్టిన వెంటనే సిక్కు యాత్రీకులందరికీ వీసాలు కల్పిస్తామని ఆయన వెల్లడించారు. ఒక్క భారతదేశం నుంచే కాదు, ఇతర దేశాల నుంచి ఈ పవిత్ర స్థలాల సందర్శనకు వచ్చే సిక్కు ప్రజలందరికీ ఈ సౌకర్యాలు అందుబాటులో ఉంటాయని, అంతర్జాతీయ సిక్కు మహాసభలో ఇమ్రాన్ ఖాన్ తెలిపారు. ‘విమానాశ్రయంలో అడుగుపెట్టిన వెంటనే మీ అందరికీ వీసాలు కల్పిస్తాం. ఇది పాక్ ప్రభుత్వ బాధ్యత’ అని ఆయన అన్నారు. ఈనెల 30 నాటికే ఈ వీసాల జారీ ప్రక్రియను పూర్తిచేస్తామని, నవంబర్ 2న జరిగే గురునానక్ 550వ జయంతి వేడుకల్లో పాల్గొనేందుకు ఎలాంటి ఇబ్బంది లేకుండా వీరికి వెసులుబాటు కల్పిస్తామని ఆయన చెప్పారు. తాము ఈ చర్య తీసుకోవడానికి కారణం..ఎవరి మెప్పో పొందడానికి కాదని, సిక్కులందరూ ఈ ఉత్సవాల్లో పెద్ద సంఖ్యలో పాల్గొనేలా చేయడమేనని ఇమ్రాన్ ఖాన్ వెల్లడించారు. మక్కా లేదా మదీనాకు వెళ్లకుండా ముస్లింలను ఆపడాన్ని తాము కలలో కూడా ఊహించలేమని, అదే విధంగా ఈ సిక్కుల ఉత్సవంలో పాల్గొనేందుకు ప్రపంచవ్యాప్తంగా సిక్కులందరికీ పూర్తి అవకాశాలు కల్పిస్తామని ఆయన చెప్పారు. ఈ కొత్త వీసాల జారీ ప్రక్రియ ఆదివారం నుంచి మొదలైందని, ప్రాథమికంగా కొన్ని ఇబ్బందులున్నా అవేవీ సిక్కు యాత్రీకులకు ఆటంకం కాబోవమని ఆయన స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.