అంతర్జాతీయం
మోదీకి త్వరలో ‘గ్లోబల్ గోల్‌కీపర్’ అవార్డు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 3: భారత ప్రధాని నరేంద్ర మోదీ త్వరలోనే ఓ అరుదైన పురస్కారాన్ని అందుకోబోతున్నారు. స్వచ్ఛ్భారత్‌తోపాటు నిరుపమాన నాయకత్వ పటిమను కనబరుస్తున్నందుకు గుర్తింపుగా ప్రతిష్టాత్మక ‘గ్లోబల్ గోల్‌కీపర్’ అవార్డును మోదీకి అందించాలని బిల్ మిలిందా గేట్ ఫౌండేషన్ నిర్ణయించింది. ఐక్యరాజ్యసమితి జనరల్ అసెంబ్లీలో పాల్గొనేందుకు ఇక్కడకు రానున్న మోదీ గ్లూమ్‌బెర్గ్ గ్లోబల్ బిజినెస్ ఫోరంలో కూడా మాట్లాడతారు. ఆ సందర్భంగానే మోదీ ఈ పురస్కారాన్ని అందుకుంటారు. తమ దేశంలో చేపట్టిన చర్యల ద్వారా అంతర్జాతీయ లక్ష్యాలను సాధించేందుకు ప్రయత్నించే ఓ రాజకీయ నాయకుడి సామర్థ్యానికి గుర్తింపుగానే ఈ పురస్కారాన్ని అందించడం జరుగుతుందని ఫౌండేషన్ తెలిపింది. ముఖ్యంగా స్వచ్ఛ భారత్ మిషన్ ద్వారా యావత్ ప్రపంచాన్ని మోదీ ఆకర్షించారని పేర్కొంది. 2014 అక్టోబర్ 2న భారత్‌లో మొదలైన స్వచ్ఛ భారత్ అంతర్జాతీయంగా అనేక దేశాల దృష్టిని ఆకర్షించింది. మహాత్ముడి 150వ జయంతి నాటికి పూర్తి స్థాయి పారిశుద్ధ్యాన్ని సాధించాలన్న లక్ష్యంతో భారత ప్రభుత్వం ఈ మిషన్‌ను చేపట్టింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.