అంతర్జాతీయం
ఓ కీలక ప్రకటన చేయొచ్చు: ట్రంప్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 19:. భారత ప్రధాని నరేంద్ర మోదీ ప్రసంగించనున్న ‘హౌడీ మోదీ’ కార్యక్రమంలో ఓ కీలక ప్రకటన చేస్తానని అమెరికా అధ్యక్షుడు డొనాల్డ్ ట్రంప్ వెల్లడించారు. హోస్టన్‌లో ఆదివారం దాదాపు 50 వేల మంది హాజరుకానున్న ఈ కార్యక్రమాన్ని ప్రవాస భారతీయులు నిర్వహిస్తున్నారు.
ఈ నెల 22న జరిగే ఈ కార్యక్రమానికి భారత్ పట్ల ప్రత్యేక అభిమానంతో ట్రంప్ హాజరవుతారని వైట్ హౌస్ ఇప్పటికే ప్రకటించింది. అలాగే ఇరు దేశాల మధ్య పెరుగుతున్న ఆర్థిక వ్యాపార బంధానికి, సాన్నిహిత్యానికి కూడా ట్రంప్ నిర్ణయం అద్దం పడుతుందని వైట్‌హౌస్ తెలిపింది. మోదీ, ట్రంప్ ఒకే వేదికపై కలవడం అన్నది ఇదే మొదటిసారి. గత మూడు నెలల కాలంలో వివిధ సమావేశాల సందర్భంగా వీరిద్దరూ కలుసుకున్నప్పటికీ ప్రత్యేకంగా ఒకే వేదికపై మాట్లాడటం అన్నది ఇదే ప్రథమం. భారత్ ప్రధాని నరేంద్ర మోదీతో వ్యక్తిగతంగా తమకు సన్నిహిత సంబంధాలు ఉన్నాయని కాలిఫోర్నియా నుంచి వాషింగ్టన్ వెళుతూ మధ్యలో మీడియాతో మాట్లాడిన ట్రంప్ హోస్టన్ ర్యాలీలో ఏదైనా ప్రత్యేక ప్రకటన చేయబోతున్నారన్న ప్రశ్నకు నేరుగా సమాధానం ఇవ్వకపోయినా, కొన్ని సంకేతాలు మాత్రం అందించారు. కాగా, ఈ సమావేశానికి సంబంధించి ఇరుదేశాల నేతల మధ్య వాణిజ్య పరమైన ఒప్పందాలు కుదిరేలా అధికారులు కసరత్తులు చేస్తున్నారు. ముఖ్యంగా అమెరికా ఉత్పత్తులపై భారత్ విధిస్తున్న సుంకాలకు సంబంధించి ఇప్పటికే ట్రంప్ తన ఆగ్రహాన్ని వ్యక్తం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.