అంతర్జాతీయం
మయన్మార్‌కు అండగా నిలుస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 29: దశాబ్దాల తరబడి కొనసాగిన సైనిక పాలన నుంచి బయటపడి సరికొత్త మార్గంలో పయనించేందుకు సిద్ధమైన మయన్మార్‌కు అన్నివిధాలా అండగా నిలుస్తామని భారత్ భరోసా ఇచ్చింది. మయన్మార్ అధ్యక్షుడు యు హిన్ క్యావ్‌తో సోమవారం న్యూఢిల్లీలో జరిపిన విస్తృత చర్చల్లో ప్రధాన మంత్రి నరేంద్ర మోదీ ఈ హామీ ఇచ్చారు. ప్రముఖ ప్రజాస్వామ్య ఉద్యమకారిణి, నోబెల్ శాంతి బహుమతి గ్రహీత ఆంగ్‌సాన్ సూకీ నేతృత్వంలోని ఎన్‌ఎల్‌డి (నేషనల్ లీగ్ ఫర్ డెమోక్రసీ) పార్టీ మయన్మార్‌లో కొత్త ప్రభుత్వాన్ని ఏర్పాటు చేసిన తర్వాత ఇరు దేశాల మధ్య అత్యున్నత స్థాయి చర్చలు జరగడం ఇదే తొలిసారి. ద్వైపాక్షి సంబంధాలను మరింత బలోపేతం చేసుకుని, ఉగ్రవాదంపై పోరులో సహకారాన్ని పెంపొందించుకోవాలని ఇరు దేశాధినేతలు ఈ భేటీలో నిశ్చయించుకున్నారు. మయన్మార్ ఆంతరంగిక శాంతి ప్రక్రియకు భారత్ పూర్తి అండగా నిలుస్తుందని మోదీ ఈ సందర్భంగా స్పష్టం చేశారు. సంధాయకత (కనెక్టివిటీ), వైద్య, పునర్వినియోగ ఇంధన రంగాల్లో సహకారాన్ని పెంపొందించుకునేందుకు ఇరు దేశాలు ఈ సమావేశంలో మూడు అవగాహనా ఒప్పందాలను (ఎంఓయులను) కుదుర్చుకోవడంతో పాటు విద్యుత్, బ్యాంకింగ్, వ్యవసాయం తదితర రంగాల్లో సంబంధాలను బలోపేతం చేసుకోవాలని నిర్ణయించాయి. అనంతరం మయన్మార్ అధ్యక్షుడితో కలసి మోదీ ఈ సమావేశ వివరాలతో కూడిన ప్రకటనను మీడియాకు చదివి వినిపిస్తూ, పరస్పర భద్రతా ప్రయోజనాలను భారత్, మయన్మార్ గుర్తించాయని, ఉగ్రవాదంపై కలసికట్టుగా పోరాడాలని ఇరు దేశాలు నిశ్చయించుకున్నాయని తెలిపారు. మయన్మార్ సరిహద్దు వెంబడి గల నాగాలాండ్, మణిపూర్ తదితర ఈశాన్య రాష్ట్రాలను చాలా కాలం నుంచి తీవ్రవాద సమస్య వేధిస్తున్న నేపథ్యంలో ఈ నిర్ణయం తీసుకున్నారు.
చిత్రం.. మయన్మార్ అధ్యక్షుడు యు హిన్ క్యావ్‌తో కలిసి విలేఖరులతో మాట్లాడుతున్న ప్రధాని నరేంద్ర మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.