అంతర్జాతీయం
ఐరాస వేదికగా.. పాక్‌ను ఎండగడతాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 20: ఐక్యరాజ్య సమితి (యూఎన్) సాధారణ సభలో కాశ్మీర్ అంశాన్ని పాకిస్తాన్ ప్రస్తావిస్తూ, అదే సమావేశంలో ఎండగడతామని భారత దౌత్యాధికారి సయ్యద్ అక్బరుద్దీన్ స్పష్టం చేశారు. యూఎన్‌కు భారత్ శాశ్వత ప్రతినిధిగా సేవలు అందిస్తున్న ఆయన ఇక్కడ విలేఖరులతో మాట్లాడుతూ పాకిస్తాన్ చేసే ఎలాంటి ప్రయత్నాన్నయినా సమర్థంగా తిప్పికొడతామని అన్నారు. కాశ్మీర్ అంశం పూర్తిగా భారత్ ఆంతరంగిక వ్యవహారమని, ఇందులో ఎవరి జోక్యాన్ని సహించబోమని తేల్చిచెప్పారు. ఈనెల 27న జరిగే యూఎన్ సాధారణ సభ (జనరల్ అసెంబ్లీ)లో కాశ్మీర్ అంశాన్ని ప్రస్తావిస్తామంటూ పాకిస్తాన్ ప్రధాని ఇమ్రాన్ చేసిన ప్రకటనపై ఆయన తీవ్రంగా స్పందించారు. కాశ్మీర్‌కు ప్రత్యేక హోదాను కల్పించే రాజ్యాంగంలోని 370 అధికరణను రద్దు చేయడం పూర్తిగా భారత్‌కు సంబంధించిన విషయమని ఆయన అన్నారు.
ఉగ్రవాద అంశమే ప్రధానం!
సాధారణ సభ సమావేశానికి హాజరైనప్పుడు, ఉగ్రవాద సమస్యనే భారత ప్రధాని నరేంద్ర మోదీ ప్రధానంగా ప్రస్తావిస్తారని తెలుస్తోంది. పీటీఐకి అందిన సమాచారం మేరకు, అంతేగాక, కాశ్మీర్ అంశాన్ని ఆయన ప్రస్తావించి, ఈ విషయంలో పాక్ వైఖరిని ఎండగట్టేందుకు అన్ని విధాలా సిద్ధమయ్యారు. తీవ్రవాదం, ఉగ్రవాద సంస్థలను ఉక్కుపాదంతో అణచివేయాలని, తిరుగులేని కఠిన చర్యలు తీసుకోవాల్సిందిగా పాకిస్తాన్‌కు ప్రపంచ దేశాలు స్పష్టం చేసేలా ఆయన వ్యూహరచన చేస్తున్నారు. యూఎన్‌లో భారత శాశ్వత ప్రతినిధి సయ్యద్ అక్బరుద్దీన్ కూడా ఈ విషయాన్ని పరోక్షంగా పేర్కొన్నారు. సాధారణ సభ సమావేశంలో కాశ్మీర్ సమస్యను మరోసారి తెరపైకి తెచ్చేందుకు పాక్ ప్రయత్నించడం ఖాయమని, దానిని తిప్పికొడతామని ఆయన అన్నారు. పాక్ ఈ అంశాన్ని ఏ విధంగా ప్రస్తావించినప్పటికీ, భారత్ సమాధానం మాత్రం ఘాటుగా, వాటిని ఎండగట్టేవిగా ఉంటాయని పేర్కొన్నారు. పాక్‌లో ఉగ్రవాదం వేళ్లూనుకొని ఉందనే విషయం ఎన్నో సందర్భాల్లో స్పష్టమైందని అక్బరుద్దీన్ గుర్తుచేశారు. ‘జమ్మూకాశ్మీర్‌కు ఉన్న ప్రత్యేక హోదాను రద్దు చేయడం, రెండు లఢాక్ ప్రాంతాన్ని వేరుచేసి, కేంద్ర పాలిత ప్రాంతంగా ప్రకటించడం తదితర అంశాలను ఎవరు ప్రస్తావించినా, మా సమాధానం మాత్రం తీవ్రంగానే ఉంటుంది. పాక్ ఈ ప్రయత్నం చేస్తుందనేది నిజం. ఆ దేశ ప్రధాని ఇమ్రాన్ ఇప్పటికే దీనిని ధ్రువీకరించారు. ఇలాంటి పరిస్థితుల్లో భారత్ సమాధానం వంట రెట్లు తీవ్రంగా ఉంటుంది. పాక్ ఆటలను సాగినివ్వం’ అని స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.