అంతర్జాతీయం
వీసా లేకుండా ఉజ్బెకిస్తాన్‌కు..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 20: వీసా లేకుండానే భారతీయులను తన దేశానికి త్వరలోనే అనుమతిస్తామని ఉజ్బెకిస్తాన్ రాయబారి ఫర్హద్ అర్జీస్ వెల్లడించారు. హైదరాబాద్ నగర అధికారిక పర్యటన నిమిత్తం ఆయన శుక్రవారం సిటీకి వచ్చారు. ఈ మేరకు నగర మేయర్ బొంతు రామ్మోహన్‌ను జీహెచ్‌ఎంసీ కార్యాలయంలో మర్యాదపూర్వకంగా కలుసుకున్నారు. ఈ సందర్భంగా ఫర్హోద్ మాట్లాడుతూ ఉజ్బెకిస్తాన్‌ను సందర్శించే భారతీయుల కోసం ఇప్పటికే ఈ-వీసా సౌకర్యాన్ని కల్పించామని తెలిపారు. ఇప్పటికే భారత్‌లో ఫార్మా కంపెనీల ఏర్పాటుకు గుజరాత్ ప్రభుత్వంతో భాగస్వామ్య ఒప్పందాన్ని చేసుకున్నట్లు తెలిపారు. ఉజ్బెకిస్తాన్‌కు రెండున్నర వేల సంవత్సరాల చరిత్ర ఉందని.. హైదరాబాద్ సిటీ ఎంతో చారిత్రక నేపథ్యం కలిగిన సిటీ అయినందున ఈ రెండు నగరాల మధ్య సిస్టర్ సిటీ ఒప్పందం చేసుకునేందుకు వచ్చినట్లు తెలిపారు. సంస్కృతి, పర్యాటకం, వర్తక, వ్యాపారం వంటి అనేక అంశాలను ఈ ఒప్పందంతో షేర్ చేసుకోనున్నట్లు తెలిపారు. ఉజ్బెకిస్తాన్, భారత్‌ల మధ్య గత కొన్ని దశాబ్దాలుగా దౌత్య సంబంధాలున్నాయని, ఇందుకు తాస్కెంట్ ఒప్పందం నిదర్శనమని వివరించారు. హైదరాబాద్‌తో ఉజ్బెకిస్తాన్‌లో రెండున్నర వేల సంవత్సరాల చరిత్ర కల్గిన బోహ్రా నగరాల మధ్య ఈ సిస్టర్ సిటీ ఒప్పందాన్ని త్వరలోనే చేసుకోనున్నట్లు తెలిపారు. నగరంలోని సినీ పరిశ్రమను కూడా ఉజ్బెకిస్తాన్‌కు ఆహ్వానిస్తున్నామని, ఉజ్బెక్‌లో ఎన్నో ఆకర్షణీయ, చారిత్రక కట్టడాలున్నాయని వివరించారు. హైదరాబాద్‌లోని ఉస్మానియా, కేంద్రీయ విశ్వవిద్యాలయాల్లో ఉజ్బెక్‌కు చెందిన ఎంతో మంది విద్యార్థులు విద్యనభ్యసిస్తున్నారని వివరించారు. ఈ సందర్భంగా మేయర్ రామ్మోహన్ ఉజ్బెక్ రాయబారిని ఫర్హోద్‌కు జ్ఞాపికను బహూకరించి, సన్మానించారు. జీహెచ్‌ఎంసీ కార్యాలయంలో ఇటీవల ఏర్పాటు చేసిన కమాండ్ కంట్రోల్ రూంను రాయబారికి చూపించి, అక్కడి నుంచి వర్షాలు కురిసినపుడు, ట్రాఫిక్ నియంత్రణను పర్యవేక్షించే విధానాన్ని మేయర్ వివరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.