అంతర్జాతీయం
తల్లడిల్లిన టోక్యో
S ,7 à 8 RSCA (si SASPAS) et 6 cialis pharmacie cialis rapports de stage.
ఫుజిసావా (జపాన్), అక్టోబర్ 12: గత ఆరు దశాబ్దాల్లో ఎన్నడూ చూడని రీతిలో ఓ భయానక పెను తుఫాన్ టోక్యో, దాని పరిసర ప్రాంతాలను బెంబేలెత్తిస్తోంది. ప్రచండ గాలులు, కుండపోత వర్షంతో వీధులు, బీచ్‌లు, రైల్వే స్టేషన్లు నిర్మానుష్యమైపోయాయి. ఈ భయానక ప్రకృతి విలయం గురించి గంటలకు ముందే సమాచారం అందడంతో ప్రజలు ముందుజాగ్రత్తగా నిత్యావసరాలను నిల్వ చేసుకోవడంతో అన్ని మార్కెట్లు ఖాళీ అయిపోయాయి. మంచినీళ్ల నుంచి ఆహార పదార్థాల వరకు ఏది కూడా దుకాణాల్లో అందుబాటులో లేని పరిస్థితి ఏర్పడింది. హాజిబిస్ అనే ఈ పెను తుఫాన్ బీభత్సం గురించి, దాని తీవ్రత గురించి వాతావరణ విభాగం ఇప్పటికే హెచ్చరికలు జారీ చేసింది. శనివారం ఈ తుఫాన్ తీరాన్ని తాకడంతో దాని తీవ్రతకు భూమి కూడా కంపించిందని చెబుతున్నారు. టోక్యో సమీపంలోని క్షిబా తీర ప్రాంతంలో ఈ తుఫాన్ మూల కేంద్రం ఉందని, దీని తీవ్రత రెక్టర్ స్కేలుపై 5.3గా నమోదైందని అమెరికా భౌగోళిక పరిశోధన కేంద్రం తెలిపింది. ‘మీ జీవితంలో ఎప్పుడూ చూడనంత తీవ్రస్థాయిలో కుంభవృష్టి సంభవిస్తుందని. తస్మాత్ జాగ్రత్త’ అని జపాన్ వాతావరణ కేంద్రం ప్రజలను హెచ్చరించింది. అన్ని రకాలుగాను ముందు జాగ్రత్త చర్యలు తీసుకోవాలని, సురక్షిత ప్రాంతాలకు తరలిపోవాలని తెలిపింది. హాజిబిస్ అంటే ఫిలిప్పీన్ బాషలో ప్రచండ వేగం అని అర్థం. గంటకు 144 కిలోమీటర్ల వేగంతో ఈ తుఫాన్ టోక్యో నగరాన్ని తాకింది.
*చిత్రం...హాజిబిస్ పెను తుఫాన్ తాకిడికి ఉవ్వెత్తున ఎగిసిన కెరటాలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.