అంతర్జాతీయం
పదేపదే అవే అబద్ధాలు
S ,7 à 8 RSCA (si SASPAS) et 6 cialis pharmacie cialis rapports de stage.
యునైటెడ్ నేషన్స్, అక్టోబర్ 19: ఐరాసలో జమ్మూకాశ్మీర్‌పై అవాస్తవాలు ప్రచారం చేయడం ద్వారా లబ్ధి పొందాలని పాకిస్తాన్ ప్రయత్నిస్తోందని భారత్ తీవ్ర ఆగ్రహం వ్యక్తం చేసింది. వాస్తవాలను వక్రీకరించడమే అజెండాగా పెట్టుకుని అదే పనిగా ఆరోపణలు చేస్తోందని ఐరాస శాశ్వత మిషన్‌లోని భారత ప్రతినిధి దీపక్ మిశ్రా ధ్వజమెత్తారు. ఐరాసలో పాకిస్తాన్ ప్రతినిధి మహీలా లోధీ గత వారం ఫోరంలో జమ్మూకాశ్మీర్ అంశంపై ప్రస్తావించిన విషయాలను ఈ సందర్భంగా ఆయన తప్పుపట్టారు. జమ్మూకాశ్మీర్‌కు ప్రత్యేక ప్రతిపత్తి కల్పించే ఆర్టికల్ 370 రద్దును పాకిస్తాన్ మొదటి నుంచీ వ్యతిరేకిస్తోంది. దీనికి వ్యతిరేకంగా అంతర్జాతీయ సమాజాన్ని కూడగట్టడంలో పాకిస్తాన్ ఘోరంగా విఫలమైంది. ఐరాస మద్దతునూ సంపాదించలేకపోయింది. ఇంత జరిగినా జమ్మూకాశ్మీర్ అంశాన్ని లేవనెత్తడం ద్వారా ప్రయోజనం పొందాలని పాకిస్తాన్ ప్రయత్నించడం సిగ్గుచేటని మిశ్రా విమర్శించారు. ఫోరం సమావేశంలో మిశ్రా మాట్లాడుతూ అవకాశం దొరికినప్పుడు భారత్‌పై దుష్ప్రచారం చేస్తూ లబ్ధిపొందాలని చూస్తోందని పాక్‌పై ధ్వజమెత్తారు. జమ్మూకాశ్మీర్ విభజనకు వ్యతిరేకంగా అంతర్జాతీయ వేదికల విఫలయత్నం చేసిందని ఆయన అన్నారు.
ఐరాసతోపాటు అంతర్జాతీయ సమాజం కూడా కాశ్మీర్ అంశం భారత్ అంతర్భాగమని స్పష్టం చేసిన విషయాన్ని మిశ్రా ఈ సందర్భంగా గుర్తుచేశారు. ఈ విషయంలో ఎవరి జోక్యాన్ని తాము అంగీకరించేదిలేదని ఆయన వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.