అంతర్జాతీయం
మరింత సన్నిహితం కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 1: భారత్-జర్మనీల మధ్య అన్ని రంగాల్లోనూ గుణాత్మక సంబంధాలు పెంపొందుతున్నాయని రాష్టప్రతి రాంనాథ్ కోవింద్ అన్నారు. ఉగ్రవాద నిరోధక చర్యల విషయంలో ఇరు దేశాలు అంతర్జాతీయ స్థాయిలో మరింతగా కలిసి పని చేయాల్సిన అవసరం ఉందని ఆయన స్పష్టం చేశారు. మనీల్యాండరింగ్‌ను నిరోధించే అంతర్ ప్రభుత్వ సంస్థ ఆర్థిక కార్యాచరణ టాస్క్ఫోర్సు (ఎఫ్‌ఏటీఎఫ్)లో భారత్ జర్మనీలు మరింత సమన్వయంతో వ్యవహారించాల్సిన అవసరం ఉందని తెలిపారు. రెండు రోజుల పర్యటనార్థం భారత్‌కు వచ్చిన జర్మనీ ఛాన్సలర్ ఎంజీలా మెర్కల్‌కు స్వాగతం పలికిన ఆయన ఐక్యరాజ్య సమితి భద్రతా మండలిలో శాశ్వత సభ్యత్వాన్ని పొందేందుకు అవసరమైన అన్ని అర్హతలు భారత్-జర్మనీలకు ఉన్నాయని స్పష్టం చేశారు. జీ-4 దేశాల కూటమిగా భారత్-జర్మనీలు మరింత కలిసి కట్టుగా పని చేయాలని, లక్ష్యాన్ని సాధించే దిశగా బలంగా ముందుకు సాగాలని అన్నారు. ఐరోపా యూనియన్ భారత్‌ల మధ్య వాణిజ్య పెట్టుబడుల ఒప్పందం సత్వర ప్రాతిపదికన కుదిరేలా భారత్‌కు జర్మనీ సహకరించాల్సిన అవసరం ఎంతో ఉందన్నారు. అంతేకాకుండా భారత్-జర్మనీల మధ్య ద్వైపాక్షిక వాణి జ్యం సాంకేతిక సహకారం కూడా విస్తరించే అవకాశం ఉంటుందన్నారు. అలాగే ఈ రెండు దేశాలు బహుముఖీయ ప్రపంచ వ్యవస్థ ఆవిష్కరణకు గట్టిగా కృషి చేయాలని పిలుపునిచ్చారు. ఉగ్రవాదం ప్రపంచ శాంతికే పెను సవాల్‌గా పరిణమిస్తున్న నేపథ్యంలో అన్ని దేశాలు కలిసి కట్టుగా ఈ జాఢ్యాన్ని ఎదుర్కొవాలన్నారు. భారత్-జర్మనీల మధ్య అన్ని రంగాల్లోనూ సహకారం, సయోధ్య ఎంతో అవసరం అని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.