అంతర్జాతీయం
భారత్‌ను అడ్డుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, డిసెంబర్ 12: భారత ప్రభు త్వం తాజాగా చేపట్టిన పౌరసత్వ సవరణ బిల్లు లక్ష్యాలపై పాకిస్తాన్ ప్రధాని ఇమ్రాన్ ఖాన్ తీవ్ర విమర్శలు చేశారు. ట్వీట్లతో ప్రపంచ దేశాల ప్రమేయాన్ని కోరుతూ వ్యాఖ్యలు చేశారు. హిందూ జాత్యహంకార అజెండాతోనే మోదీ సర్కారు ఈ వివాదాస్పద బిల్లును తీసుకువచ్చిందని, పరిస్థితి చేయి దాటిపోకముందే ప్రపంచ దేశాలు జోక్యం చేసుకోవాల్సిన అవసరం ఉందని తెలిపారు. పాకిస్తాన్, బంగ్లాదేశ్, అఫ్గానిస్తాన్‌కు చెందిన ముస్లిమేతర మైనారిటీలకు పౌరసత్వాన్ని కల్పించేందుకు మోదీ ప్రభుత్వం ఈ బిల్లును తీసుకువచ్చిన విషయం తెలిసిందే. మోదీ అధికారంలోకి వచ్చినప్పటినుంచి కూడా ఓ వ్యూహం ప్రకారమే భారత్‌లో హిందుత్వ అమలవుతోందని ఇమ్రాన్ అన్నారు. పరిస్థితి ఇదే తరహాలో కొనసాగితే, ఇరు దేశాల మధ్య తీవ్ర స్థాయి సంఘర్షణలకు ఆస్కారం ఏర్పడుతుందని, అది రక్తపాతానికి దారితీయడమే కాకుండా దాని పర్యవసానం ప్రపంచ దేశాలు ఎదుర్కోవాల్సి ఉంటుందని ఇమ్రాన్ అన్నారు. ఈ వాస్తవాన్ని గుర్తించి ప్రపంచ దేశాలు వెంటనే జోక్యం చేసుకోవాలని ఆయన పిలుపునిచ్చారు. ఇదిలావుండగా, కాశ్మీర్ అంశంపై అంతర్జాతీయ వేదికలను ఉద్దేశించి మాట్లాడే భారత మంత్రుల ప్రకటనలను తాము భవిష్యత్తులో కూడా బహిష్కరిస్తామని పాకిస్తాన్ విదేశాంగ కార్యాలయం తెలిపింది. ఇటీవల టర్కీలో జరిగిన ఓ సమావేశంలో భారత మంత్రి ప్రసంగాన్ని తమ విదేశాంగ మంత్రి మహమ్మద్ ఖురేషీ బహిష్కరించిన విషయాన్ని ధృవీకరించింది.
*చిత్రం... పాకిస్తాన్ ప్రధాని ఇమ్రాన్ ఖాన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.