అంతర్జాతీయం
జమైకా సుందరికి మిస్ వరల్డ్ కిరీటం
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, డిసెంబర్ 15: లండన్‌లో జరిగిన ప్రపంచ సుందరి పోటీల్లో జమైకాకు చెందిన టోని-ఆన్ సింగ్ ‘మిస్ వరల్డ్’ కిరీటాన్ని దక్కించుకున్నారు. ద్వితీయ స్థానం (రన్నర్ అప్)లో భారత్‌కు చెందిన సుమన్ రావు నిలిచారు.
శనివారం లండన్‌లోని ఎక్సెల్ నగరంలో జరిగిన మిస్ వరల్డ్-2019 పోటీలు కన్నుల పండువగా జరిగాయి. జమైకాకు చెందిన 23 ఏళ్ళ టోని అన్ సింగ్ ప్రపంచ సుందరిగా ఎన్నికైనట్లు పోటీ నిర్వహించిన బ్రిటీష్ టెలివిజన్ కరతాళధ్వనుల మధ్య ప్రకటించింది. విశ్వసుందరిగా ఎంపికైన టోని ఆన్ సింగ్ ఫ్లోరిడా స్టేట్ యూనివర్సిటీలో సైకాలజీ విద్యార్థినిగా ఉన్నారు. సైకాలజీ డాక్టర్ కావడమే తన లక్ష్యమని టోని చెప్పారు. విశ్వ సుందరిగా ఎంపికైనందుకు తనకు ఎంతో సంతోషంగా ఉందన్నారు. మీరు చూపిన ప్రేమాభిమానాలతో తన మనస్సు నిండిపోయిందని ఆమె సభికులనుద్ధేశించి తెలిపారు. తనను ప్రోత్సహించిన కుటుంబ సభ్యులకు, బంధు, మిత్రులకు ఆమె వేదికపై నుంచి కృతజ్ఞతలు తెలిపారు. 69వ విశ్వ సుందరిగా ఆమె ఎంపికయ్యారు. గత ఏడాది విశ్వ సుందరిగా ఎంపికైన మెక్సికో వనిత వెన్సాఫోన్స్ తాజా మిస్ వరల్డ్ కిరీటాన్ని జమైకాకు అందించారు. ఇప్పటి వరకు 1963, 1976, 1993 సంవత్సరాల్లో కూడా మిస్ వరల్డ్ కిరీటాన్ని జమైకా కైవసం చేసుకోవడం గమనార్హం.
*చిత్రాలు.. విశ్వ సుందరి కిరీటాన్ని కైవసం చేసుకున్నజమైకా వనిత టోని అన్ సింగ్
*ఈ పోటీల్లో రెండో స్థానం సంపాదించుకున్న భారతీయ వనిత సుమన్ రావు నాట్య విన్యాసం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.