అంతర్జాతీయం
అంతరిక్ష యుద్ధాలకు అమెరికా కొత్త బలగం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: రష్యా, చైనాల నుంచి ఎదురవుతున్న 21వ శతాబ్దపు వ్యూహాత్మక సవాళ్లను ఎదుర్కోవడానికి అమెరికా కొత్తగా పూర్తి స్థాయి అంతరిక్ష బలగాన్ని (స్పేస్ ఫోర్స్) ఏర్పాటు చేసుకుంది. ఈ కొత్త బలగం అమెరికా రక్షణ విభాగంలో అంతర్భాగంగా ఉంటుంది. అమెరికా అధ్యక్షుడు డొనాల్డ్ ట్రంప్ ప్రతిఘటనకు తొలి ప్రాధాన్యం ఇస్తుండటంతో అధ్యక్ష భవనం వైట్‌హౌస్ భవిష్యత్తులో జరిగే అవకాశం ఉన్న నక్షత్ర యుద్ధాల (స్టార్ వార్స్)లో వెనుకబడి పోకూడదన్న తన నిబద్ధతను ఇలా వెల్లడించింది. హంతక ఉపగ్రహాలు (కిల్లర్ శాటిలైట్స్), ఉపగ్రహాలను ధ్వంసం చేసే ఆయుధాలు (శాటిలైట్-కిల్లర్ వెపన్స్) వంటి నక్షత్ర యుద్ధాలు భవిష్యత్తులో చోటు చేసుకుంటాయని, ఆ యుద్ధాలలోనూ తన ఆధిపత్యాన్ని కొనసాగించాలని అమెరికా భావిస్తోంది. అధ్యక్షుడు ట్రంప్ 2020 నేషనల్ డిఫెన్స్ ఆథరైజేషన్ యాక్ట్‌పై సంతకం చేయడం ద్వారా అంతరిక్ష బలగం ఏర్పాటును వాస్తవ రూపంలోకి తీసుకొచ్చారు. ఈ చట్టం కింద అంతరిక్ష బలగానికి తొలి బడ్జెట్‌ను కేటాయిస్తారు. అమెరికా మిలిటరీలోని ఇతర అయిదు శాఖలతో సమానంగా కొత్త అంతరిక్ష బలగం నిలుస్తుంది. ‘్భవిష్యత్తులో అంతరిక్షం ప్రపంచ కొత్త యుద్ధరంగంగా మారబోతోంది. అందువల్ల అంతరిక్షంలో అనేక అంశాలు జరుగబోతున్నాయి’ అని ట్రంప్ కొత్త చట్టంపై సంతకం చేసిన సందర్భంగా మాట్లాడుతూ అన్నారు. కొత్తగా ఏర్పడిన ఈ అంతరిక్ష బలగం.. అమెరికాలోని ఆర్మీ, ఎయిర్ ఫోర్స్, నేవీ మెరైన్స్, కోస్ట్‌గార్డ్‌లతో పాటు ఆరో బలగంగా పనిచేస్తుంది. ‘మన అంతరిక్ష ఆధారిత సామర్థ్యాలు నాటకీయంగా పెరిగాయి. ఈ రోజు మన బాహ్య అంతరిక్షం తనంత తానుగా యుద్ధప్రాంతంగా మారిపోయింది’ అని అమెరికా రక్షణ శాఖ మంత్రి మార్క్ ఎస్పర్ శుక్రవారం పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.