అంతర్జాతీయం
మాంద్యం గుప్పిట భారత్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, డిసెంబర్ 24: భారతదేశం అత్యంత తీవ్రమైన ఆర్థిక మాంద్యంలో చిక్కుకొందని.. తక్షణమే విధానపరమైన చర్యలతో పరిస్థితిని చక్కదిద్దాలని అంతర్జాతీయ ద్రవ్య నిధి (ఐఎంఎఫ్) విజ్ఞప్తి చేసింది. ఇటీవలి కాలంలో భారత ప్రభుత్వం చేపట్టిన ఆర్థిక విస్తరణ చర్యల వల్ల లక్షలాది మంది పేదరికం నుంచి బయటపడినప్పటికీ 2019 ప్రథమార్థంలో చోటుచేసుకొన్న పరిణామాలు వృద్ధి రేటుకు ప్రతిబంధకం అయ్యాయని ఐఎంఎఫ్ డైరెక్టర్లు తమ తాజా నివేదికలో వెల్లడించారు. ఈ మాంద్యం పరిస్థితులకు ఒకదాని తరువాత ఒకటిగా అనేక ప్రతికూల పరిణామాలు కారణం అయ్యాయని తెలిపారు. ఈ మాంద్య పరిస్థితుల నుంచి త్వరితగతినే భారత్ బయటపడగలుగుతుందని తాము భావించినప్పటికీ తాజా పరిస్థితులు అందుకు ఏమాత్రం అనుకూలంగా లేవని ఐఎంఎఫ్ ఆసియాలో భారత్ మిషన్ అధ్యక్షుడు రనిల్ సల్‌గాడో అన్నారు. పరిస్థితి తీవ్రతను గుర్తించి అత్యంత బలమైన రీతిలో సూక్ష్మ ఆర్థిక దిద్దుబాటు చర్యలను చేపట్టాలని కోరారు. ప్రస్తుతం అధికారంలో ఉన్న ప్రభుత్వానికి తిరుగులేని మెజారిటీ ఉంది కాబట్టి సుస్థిర అభివృద్ధి కోసం సంస్కరణల అజెండాను మరింత గట్టిగా అమలు చేయాలని తెలిపారు. మాంద్య పరిస్థితుల కారణంగా డిసెంబర్‌లో కూడా ఆర్థిక కార్యకలాపాలు పేలవంగానే సాగాయని ఇందుకు అనేక అంశాలు కారణం అయ్యాయని తెలిపారు. గ్రామీణ ప్రాంతాల్లో నెలకొన్న ప్రతికూల పరిస్థితులు వినియోగ సామర్థ్యాన్ని అడ్డుకొంటున్నాయని.. ప్రభుత్వ రంగ బ్యాంకుల్లో నెలకొన్న పరిస్థితుల్లో కూడా ప్రైవేటు పెట్టుబడులకు ప్రతిబంధకం అవుతున్నాయని అన్నారు. ఈ పరిస్థితులకు జీఎస్‌టీ సహా అనేక సంస్థాగత సంస్కరణలు కూడా కారణమై ఉండొచ్చని తెలిపారు. భారత్ వృద్ధి రేటుకు సంబంధించిన అంచనాలు గతంలో కంటే కూడా తక్కువగానే ఉండొచ్చని ఓ ప్రశ్నకు సమాధానంగా వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.