అంతర్జాతీయం
రాణిస్తున్న వర్శిటీలు!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, సెప్టెంబర్ 22: అంతర్జాతీయ ఉన్నత విద్యా రంగంలో మన దేశం తన స్థానాన్ని గణనీయంగా మెరుగుపర్చుకుంది. ప్రపంచంలోని అగ్రశ్రేణి విశ్వ విద్యాలయాలకు సంబంధించి తాజాగా విడుదల చేసిన జాబితాలో రికార్డు స్థాయిలో మన దేశానికి చెందిన 31 విద్యా సంస్థలకు చోటు లభించింది. కాగా, ఈ జాబితాలో బ్రిటన్‌కు చెందిన ఆక్స్‌ఫర్డ్ యూనివర్శిటీ అగ్రస్థానంలో నిలిచింది. బుధవారం విడుదల చేసిన ‘టైమ్స్ హయ్యర్ ఎడ్యుకేషన్ వరల్డ్ యూనివర్శిటీ ర్యాంకింగ్స్ 2016-17’లో చోటు సంపాదించుకున్న బెంగళూరుకు చెందిన ఇండియన్ ఇన్‌స్టిట్యూట్ ఆఫ్ సైనె్సస్ (ఐఐఎస్‌సి) గత ఏడాదికన్నా 50 స్థానాలు మెరుగుపర్చుకుంది. అయితే టాప్ 400 యూనివర్శిటీల జాబితాలో రెండు భారతీయ యూనివర్శిటీలకు మాత్రమే చోటు లభించింది. గత ఏడాది 251-300 గ్రూపులో చోటు సంపాదించుకున్న ఐఐఎస్‌సి ఈ సారి తాజా జాబితాలో 201-250 గ్రూపులో చోటు సంపాదించుకుంది. అలాగే ఐఐటి బాంబే 351-400 గ్రూపులో చోటు సంపాదించుకుంది. అయితే టాప్- 200 జాబితాలో మన దేశానికి చెందిన ఏ యూనివర్శిటీకి చోటు లభించక పోవడం గమనార్హం.
14 కొత్త సంస్థలకు చోటు లభించిన ఈ జాబితాలో బ్రిటన్‌కు చెందిన ఆక్స్‌ఫర్డ్ యూనివర్శిటీ అగ్రస్థానంలో నిలిచింది. 12 ఏళ్ల చరిత్రలో బ్రిటన్‌కు చెందిన ఒక యూనివర్శిటీ ఈ ఘనతను దక్కించుకోవడం ఇదే మొదటిసారి. కాగా, అయిదేళ్ల పాటు అగ్రస్థానంలో నిలిచిన కాలిఫోర్నియా యూనివర్శిటీ ఆఫ్ టెక్నాలజీ ఈసారి రెండో స్థానంలో నిలవగా, స్టాన్‌ఫోర్డ్ యూనివర్శిటీ మూడో స్థానంలో నిలిచింది. గత ఏడాదితో పోలిస్తే ఈ ఏడాది జాబితాలో దక్షిణాసియా ప్రాతినిధ్యం దాదాపు రెట్టిపయింది. గత ఏడాది 20 యూనివర్శిటీలకు ప్రాతినిధ్యం లభించగా, ఈ ఏడాది ఆ సంఖ్య 39కి పెరిగింది. తొలిసారిగా శ్రీలంకకు ఈ జాబితాలో చోటు దక్డం గమనార్హం. యూనివర్శిటీ ఆఫ్ కొలంబో 800 ప్లస్ గ్రూపులో స్థానం సంపాదించుకుంది. కాగా, 980 యూనివర్శిటీలతో కూడిన ఈ జాబితాలో చోటు దక్కించుకున్న ఇతర భారతీయ విద్యా సంస్థల్లో ఐఐటి ఢిల్లీ, ఐఐటి కాన్పూర్, ఐఐటి మద్రాసు 401-500 గ్రూపులో ఉండగా ఐఐటి ఖరగ్‌పూర్, ఐఐటి రూర్కీ 501-600 గ్రూపులో స్థానం సంపాదించుకున్నాయి.
బెంగళూరు ఐఐఎస్‌సి (ఫైల్ ఫొటో)
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.