అంతర్జాతీయం
17మంది హతం
S ,7 à 8 RSCA (si SASPAS) et 6 cialis pharmacie cialis rapports de stage.
బ్యాంకాక్: థాయిలాండ్‌లో ఒక సైనికుడు 17మందిని కాల్చి చంపాడు. పైగా ఈ విషయాన్ని అతడు సామాజిక మాధ్యమం ఫేస్‌బుక్‌లో పోస్ట్ చేశాడని థాయిలాండ్ ఎమర్జెన్సీ సర్వీసెస్ శనివారం తెలిపింది. ఒక టౌన్ సెంటర్ మాల్‌పై కేంద్రీకరించి ఆ సైనికుడు దాడికి పాల్పడ్డాడు. థాయిలాండ్‌లోని ఈశాన్య నగరమయిన నాఖోన్ రాట్‌చసిమలో ఒక ఆర్మీ బ్యారక్స్ వద్ద మధ్యాహ్నం తరువాత ఈ దాడి మొదలయిందని పోలీసులు ఒక వార్తాసంస్థకు తెలిపారు. సార్జెంట్-మేజర్ జాక్రపంత్ తొమ్మ తొలుత జరిపిన ఈ కాల్పుల్లో ముగ్గురు మృతి చెందారు. వీరిలో ఒక సైనికుడు కూడా ఉన్నాడు. ‘అతను ఒక ఆర్మీ వాహనాన్ని దొంగిలించి, దాన్ని నడుపుకుంటూ టౌన్ సెంటర్‌కు వెళ్లాడు’ అని పోలీస్ లెఫ్టినెంట్ కల్నల్ మోంగ్‌కోల్ కుప్తసిరి చెప్పారు. జాక్రపంత్ పట్టణ కేంద్రంలో కాల్పులు జరపడానికి ముందు ఆర్మీ ఆయుధ శాల నుంచి ఆయుధాలను దొంగిలించాడని స్థానిక మీడియా తెలిపింది. సాయుధ సైనికుడు 16మందిని బందీగా తీసుకున్నాడన్న స్థానిక మీడియా వార్తలను అధికారులు తొలుత ధ్రువీకరించలేకపోయారు. అయితే, ఈ కాల్పుల్లో 17 మంది మృతి చెందారని, మరో 14 మంది గాయపడ్డారని బ్యాంకాక్‌లోని ఏరావన్ సెంటర్ నుంచి ఒక అధికార ప్రతినిధి శనివారం పొద్దు పోయిన తరువాత చెప్పారు. ఈ సాయుధ సైనికుడు ఫేస్‌బుక్‌లో తన ఫొటోను పోస్ట్ చేశాడు. అందులో ‘నేను లొంగిపోవాలి’, ‘మరణం నుంచి ఎవరూ తప్పించుకోలేరు’ అని రాశాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.