అంతర్జాతీయం
తాలిబన్ నేతలను కలుస్తా
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: అఫ్గానిస్తాన్‌లో సరికొత్త శాంతి శకాన్ని ఆవిష్కరిస్తూ తాజాగా తాలిబన్లతో కుదిరిన ఒప్పందం నేపథ్యంలో ‘నేను త్వరలోనే తాలిబన్ నేతలను కలుసుకుంటాను’ అని అమెరికా అధ్యక్షుడు డొనాల్డ్ ట్రంప్ ప్రకటించారు. తాలిబన్ నేతలతో తాను వ్యక్తిగతంగా సమావేశం అవుతానని పేర్కొన్న ఆయన ఒప్పందంలో భాగంగా ఇచ్చిన హామీలను తాలిబన్లు నిలబెట్టుకుంటారన్న ఆశాభావం వ్యక్తం చేశారు. గత కొన్ని సంవత్సరాలుగా అఫ్గానిస్తాన్‌లో ఉగ్రవాద నిరోధక చర్యలు చేపడుతున్న తమ సైనికులను వెనక్కి తీసుకురావాల్సిన సమయం ఆసన్నమైందని ట్రంప్ తెలిపారు. 14 నెలల వ్యవధిలో అఫ్గాన్‌లోని తమ దళాలను ఉపసంహరించుకుంటామని దోహాలో కుదిరిన ఈ ఒప్పందంలో భాగంగా అమెరికా హామీ ఇచ్చింది. ఈ ఒప్పందానికి సంబంధించి ఐక్యరాజ్యసమితికి పూర్తి వివరాలు తెలియజేశామని పేర్కొన్న ట్రంప్ ప్రస్తుతం అఫ్గానిస్తాన్‌లో 13వేల మంది తమ సైనికులు ఉన్నారని, వారిని 8 వేలకు కుదిస్తామని తెలిపారు. ప్రపంచ వ్యాప్తంగా వివిధ దేశాల్లో ఉగ్రవాదులను నిర్మూలించడంలో అమెరికా చేస్తున్న కృషిని ట్రంప్ ప్రస్తావించారు. సిరియాలోనూ, ఇరాక్‌లోనూ ఐసిస్ ఉగ్రవాదులను అంతం చేశామని, వేల సంఖ్యలోనే వారిని హతమార్చామని ఆయన తెలిపారు. తాలిబన్‌లో కూడా ఉగ్రవాదులు ఉన్నారని, వారిని అంతం చేయాల్సిన బాధ్యత ఇకనుంచి తాలిబన్లదేనని ట్రంప్ వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.