అంతర్జాతీయం
ఇండోనేసియా విమానం గల్లంతు
S ,7 à 8 RSCA (si SASPAS) et 6 cialis pharmacie cialis rapports de stage.
జకార్తా, డిసెంబర్ 3: ఇండోనేసియా పోలీసు విమానం గల్లంతైంది. 16 మందితో వెళ్తున్న విమానం కూలిపోయి ఉంటుందని అధికారులు ఆందోళన చెందుతున్నారు. పశ్చిమ ఇండోనేసియాలో ఇది చోటుచేసుకుంది. ఎం28 స్కైట్రక్ చిన్న విమానం శనివారం మధ్యాహ్నం 1.50 గంటల నుంచి ఎయిల్ ట్రాఫిక్ కంట్రోల్ (ఎటిసి)తో సంబంధాలు తెగిపోయాయి. గల్లంతైన విమానం కూలిపోయి ఉంటుందన్న భయాన్ని పోలీసులు వ్యక్తం చేస్తున్నారు. కాగా మత్స్యకారులకు దస్తులు, సూట్‌కేసులు, విమానం సీట్లు కనిపించాయని పోలీసు ప్రతినిధి బాయ్ రఫ్లీ వెల్లడించారు. ఎం28 స్కైట్రక్ విమానం బంగ్తా బెలిటంగ్ ప్రొవిన్స్‌లోని పంగ్తల్ పినాంగ్ నుంచి బాటమ్ వెళ్తుండగా ఏటిసితో సంబంధాలు తెగిపోయాయని ఆయన అన్నారు. ఎనిమిది మంది ప్రయాణికులతో వెళ్తున్న విమానం 10.15 ప్రాంతంలో మిస్సయిందని తొలుత పోలీసులు ప్రకటించారు. ఐదుగురు విమానం సిబ్బంది ఉన్నారని తెలిపారు. తుది సమాచారం మేరకు గల్లంతైన విమానంలో 16మంది ఉన్నారని పేర్కొన్నారు. విమానం ఆచూకీ కోసం ముమ్మరంగా గాలిస్తున్నారు. పౌర విమానయాన రంగానికి సంబంధించి ఇండోనేసియా వెనకబడే ఉన్నట్టు అనేక ఉదంతాలు తెలియజేస్తాయి. భద్రతాపరమైన లోపాల కారణంగానే ఇండోనేసియాలో తరచూ విమాన ప్రమాదాలు జరుగుతున్నాయి. గత వారమే ఇండోనేసియా సైనిక హెలీకాప్టర్ బోర్నియో ద్వీపంలో కూలిపోయి ముగ్గురు మృతి చెందారు. గత నెలలో పపావు ప్రాంతంలో కార్గో విమానం ఒకటి కూలిపోయి నలుగురు మృతి చెందారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.