అంతర్జాతీయం
టైమ్స్ ప్రభావశీలుర జాబితాలో రాజన్, సానియా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, ఏప్రిల్ 21: టైమ్స్ మ్యాగిజైన్ అంత్యంత ప్రభావశీలుర జాబితాలో ఆర్‌బిఐ గవర్నర్ రఘురామ్ రాజన్, టెన్నిస్ స్టార్ సానియా మీర్జా, బాలీవుడ్ నటి ప్రియాంక చోప్రా, గూగుల్ సిఇవో సుందర్ పిచాయ్‌లకు చోటు దక్కింది. అలాగే వంద మంది ప్రభావవంతుల జాబితాలో ఫ్లిప్‌కార్ట్ వ్యవస్థాపకులు బిన్నీ బన్సాల్, సచిన్ బన్సాల్ పేర్లు చోటుచేసుకున్నాయి. టైమ్స్ వార్షిక జాబితా గురువారం విడుదల చేసింది. అమెరికన్ స్వరకర్త లీన్ మాన్యుల్- మిరండా, ఐఎంఎఫ్ చీఫ్ క్రిస్టీన్ లగార్డే, ఆస్కార్ అవార్డు గ్రహీత లియోనార్డో డికాప్రియోలు పేర్లు జాబితాలో ఉన్నాయి. శాస్త్ర సాంకేతిక రంగం, కళలు, సామాజిక సేవ, క్రీడా రంగంలో విశేష కృషి చేసిన వారిని ఎంపిక చేస్తారు. ఆర్థికంగా ప్రపంచం అనేక ఒడిదుడుకులకు లోనవుతున్నప్పటికీ భారత్‌పై ఎలాంటి ప్రభావం చూపకుండా ఓ ఛోదకశక్తిగా ఆర్‌ఐబి గవర్నర్ రాజన్ పాత్రకు గుర్తింపుగా ఎంపిక చేశారు. టెన్నిస్ స్టార్ సానియా మీర్జా కృషి, పట్టుదల వర్ధమాన క్రీడాకారులకు ఆదర్శంగా నిలుస్తాయని టైమ్స్ ప్రశంసించింది. దేశానికి ఆమె తీసుకొచ్చిన కీర్తిని గుర్తిస్తూ భారత్‌లోని ప్రతిష్టాత్మక పద్మభూషణ్ అవార్డు ప్రదానం చేశారు. టైమ్స్ ప్రాబబుల్స్ జాబితాలో ప్రధాని నరేంద్ర మోదీకి చోటుదక్కినా ఫైనల్స్‌లో ఆయన పేరు చోటుచేసుకోలేదు. గత ఏడాది వంద మంది టైమ్స్ ప్రతిభాశీలుర జాబితాలో మోదీ నిలిచారు. కాగా పద్మశ్రీ అవార్డు గ్రహీత, బాలీవుడ్ నటి ప్రియాంక చోప్రా, ఫ్లిప్‌కార్ట్ వ్యవస్థపాకులు బిన్నీ బన్సాల్, సచిన్ బన్సాల్‌లకు జాబితాలో స్థానం సంపాదించుకున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.