అంతర్జాతీయం
గట్టి ఆధారాలు ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఫిబ్రవరి 17: జైష్ ఎ మొహమ్మద్ (జెఇఎం) చీఫ్ మసూద్ అజర్‌పై ఐక్యరాజ్య సమితి (ఐరాస) చేత నిషేధం విధింపచేయడానికి భారత్ చేస్తున్న కృషికి తాను మద్దతు ఇవ్వాలంటే, అతనికి వ్యతిరేకంగా ఉన్న ‘గట్టి ఆధారాల’ను తనకు అందజేయాలని చైనా సూచించింది. భారత్, చైనాల మధ్య త్వరలో వ్యూహాత్మక చర్చలు జరుగనున్న తరుణంలో చైనా మసూద్‌కు వ్యతిరేకంగా ఆధారాలు అడగటం ప్రాధాన్యం సంతరించుకుంది. భారత విదేశాంగ కార్యదర్శి ఎస్.జైశంకర్, చైనా కార్యనిర్వాహక ఉప విదేశాంగ మంత్రి ఝాంగ్ యెసూయి ఈ నెల 22న బీజింగ్‌లో వ్యూహాత్మక చర్చలు జరుపనున్నారని చైనా విదేశాంగ మంత్రిత్వ శాఖ అధికార ప్రతినిధి జెంగ్ షుయాంగ్ శుక్రవారం ఇక్కడ మీడియా సమావేశంలో తెలిపారు. ఈ వ్యూహాత్మక చర్చలలో ఇరు పక్షాలు అంతర్జాతీయ పరిస్థితులతో పాటు ఇరు దేశాలకు ప్రయోజనకరమైన ప్రాంతీయ, ప్రపంచ అంశాలపై లోతుగా తమ దృక్పథాలను పంచుకుంటాయని ఆయన చెప్పారు. ఇరు దేశాల ద్వైపాక్షిక సంబంధాలలో మసూద్ అజర్, అణు సరఫరా దేశాల కూటమి (ఎన్‌ఎస్‌జి)లో భారత్ చేరిక అంశాలు అవరోధాలుగా ఉన్నాయని వచ్చిన వార్తలపై ఆయన స్పందిస్తూ, అభిప్రాయ భేదాలు కేవలం సహజసిద్ధమైనవని అన్నారు. ‘త్వరలో జరుగనున్న వ్యూహాత్మక చర్చలు సహా అన్ని రకాల సంప్రదింపులు, చర్చల ద్వారా ఇరు దేశాలు తమ మధ్య ఉన్న అభిప్రాయ భేదాలను తగ్గించుకోవడానికి, సహకారాన్ని పెంపొందించుకోవడంలో కొత్త ఏకాభిప్రాయాలను సాధించడానికి కమ్యూనికేషన్‌ను పెంచుకోగలవు’ అని జెంగ్ అన్నారు. మసూద్ అజర్‌ను ఐరాస ఉగ్రవాదిగా ప్రకటించడానికి, ఎన్‌ఎస్‌జిలో భారత్ చేరికకు చైనా అడ్డుపడుతున్న విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.