అంతర్జాతీయం
2.43 లక్షల డాలర్లు పలికిన హిట్లర్ ఫోను
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఫిబ్రవరి 20: జర్మన్ నాజీ నియంత అడాల్ఫ్ హిట్లర్ రెండవ ప్రపంచ యుద్ధ సమయంలో ప్రాణాంతక ఆదేశాలను జారీచేసేందుకు ఉపయోగించిన ఎర్ర రంగు వ్యక్తిగత టెలిఫోన్ ఏకంగా 2.43 లక్షల అమెరికా డాలర్లకు అమ్ముడుపోయింది. అమెరికాలో దీనిని వేలం వేశారు. నిర్ణయించిన కనీస ధరకంటే ఇది రెట్టింపునకుపైగా ధరకు అమ్ముడు పోవడం విశేషం. అయితే ఆ కొనుగోలుదారుడు ఎవరో వేలం నిర్వాహకులు వెల్లడించలేదు. హిట్లర్ పేరుతోపాటు స్వస్తిక్ గుర్తుతో ఉన్న ఈ టెలిఫోన్ బెర్లిన్‌లోని ఆయన బంకర్‌లో 1945లో బయల్పడింది. జర్మనీ లొంగుబాటు తర్వాత రష్యా సైనికులు ఈ టెలిఫోన్‌ను బ్రిటిష్ అధికారి సర్ రాల్ఫ్ రేనర్‌కు కానుకగా ఇచ్చారు. యుద్ధం ముగిసిన కొద్ది రోజుల తర్వాత బెర్లిన్‌ను సందర్శించిన రేనర్ అప్పటి ఫీల్డ్ మార్షల్ బర్నార్డ్ మాంట్‌గోమరీ ఆదేశాల మేరకు ఈ టెలిఫోన్‌ను స్వాధీనం చేసుకున్నారు. 1977లో రేనర్ మృతి చెందిన తర్వాత ఈ టెలిఫోన్ వారసత్వంగా ఆయన కుమారుడు రానుల్ఫ్ రేనర్‌కు సంక్రమించిందని వేలం నిర్వాహకులు తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.