అంతర్జాతీయం
న్యూయార్క్‌లో భారీ ర్యాలీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, ఫిబ్రవరి 20: వలసలకు సంబంధించి అమెరికా అధ్యక్షుడు డొనాల్డ్ ట్రంప్ అనుసరిస్తున్న విధానాలను నిరసిస్తూ వివిధ మతాలకు చెందిన వేలాదిమంది ప్రజలు ఆదివారం న్యూయార్క్‌లోని టైమ్స్ స్క్వేర్ వద్ద కదం తొక్కారు. మేము కూడా ముస్లింలమే అంటూ వారు ముస్లిం మతస్తులకు సంఘీభావాన్ని ప్రకటించారు. ముస్లింల ప్రాబల్యం ఎక్కువగా ఉన్న ఏడు దేశాలనుంచి అమెరికాలోకి వలసలను నిరోధించేందుకు ట్రంప్ జారీ చేసిన తాజా ఉత్తర్వులతో తీవ్రమైన అనిశ్చితి, ఆందోళన నెలకొన్న నేపథ్యంలో ముస్లింలకు సంఘీభావాన్ని తెలియజేసేందుకు ఫౌండేషన్ ఫర్ ఎత్నిక్ అండర్‌స్టాండింగ్, నసాంట్రా ఫౌండేషన్ సంయుక్తంగా ఈ ర్యాలీని నిర్వహించాయి. వేలాది మంది ప్రజలు ఈ ర్యాలీలో పాల్గొని ట్రంప్‌కు వ్యతిరేకంగా బ్యానర్లు, నినాదాలతో హోరెత్తించారు. ముస్లిం మతస్థులు అమెరికాలో ప్రవేశించకుండా నిషేధం విధించవద్దని వారు ఈ సందర్భంగా డిమాండ్ చేశారు. ప్రముఖ రచయిత, పారిశ్రామికవేత్త రసెల్ సైమన్స్, సినీనటి సుసాన్ సరాండన్ తదితర సెలబ్రిటీలుసహా వివిధ మతాలకు చెందిన వేలాది మంది ఈ ర్యాలీలో పాల్గొని ప్రస్తుతం అమెరికాలో ట్రంప్ ప్రభుత్వం సాగిస్తున్న విచ్ఛిన్నకర రాజకీయాలను ముక్తకంఠంతో ఖండించారు.
చిత్రం..న్యూయార్క్‌లోని టైమ్ స్క్వేర్ వద్ద ర్యాలీ నిర్వహిస్తున్న ఆందోళనకారులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.