అంతర్జాతీయం
ఐసిస్ అధినేతపై సిఐఎ చీఫ్ గురి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 2: అంతర్జాతీయ ఉగ్రవాద సంస్థ అల్‌ఖైదా వ్యవస్థాపకుడు ఒసామా బిన్ లాడెన్‌ను హతమార్చి ఐదేళ్లు గడుస్తుండటంతో అమెరికా గూఢచార సంస్థ సిఐఎ (సెంట్రల్ ఇంటెలిజెన్స్ ఏజెన్సీ) చీఫ్ జాన్ బ్రెన్నన్ ఇప్పుడు ఇస్లామిక్ స్టేట్ (ఐసిస్) ఉగ్రవాద సంస్థపై దృష్టి కేంద్రీకరించారు. ప్రస్తుతం సిరియా, ఇరాక్‌లను కేంద్రంగా చేసుకుని నరమేథం సృష్టిస్తున్న ఐసిస్ నాయకత్వాన్ని మట్టుబెట్టగలిగితే ప్రపంచానికి ఎంతో మేలు చేయగలుగుతామని ఆయన స్పష్టం చేశారు. అమెరికా ప్రత్యేక బలగాలు సరిగ్గా ఐదేళ్ల క్రితం (2011 మే 2వ తేదీన) పాకిస్తాన్‌లో లాడెన్‌ను హతమార్చగా, అప్పట్లో ఆ ఆపరేషన్‌కు సంబంధించిన ఘటనలను సిఐఎ ప్రత్యక్ష ప్రసారం చేసిన విషయం విదితమే. అయితే అల్‌ఖైదా నుంచి ఇప్పటికీ ముప్పు పొంచి ఉందని, ఐసిస్ కేవలం ఒక ఉగ్రవాద గ్రూపుగానే కాకుండా విస్తృతమైన నెట్‌వర్క్‌ను కలిగివున్న సంస్థగా పరిగణించాల్సిన అవసరం ఉందని బ్రెన్నన్ హెచ్చరించారు. ‘అల్‌ఖైదా ఉగ్రవాద సంస్థను మనం చాలామేరకు నాశనం చేయగలిగాం. కానీ పూర్తిగా నిర్మూలించలేదు. కనుక అది ఏమి చేయగలుగుతుందన్న దానిపై మనం దృష్టి కేంద్రీకరించాల్సి ఉంది. అలాగే ఐసిస్ నుంచి మున్ముందు మనకు ఎన్నో సవాళ్లు ఎదురుకానున్నాయి. కనుక లాడెన్‌కు మాదిరిగానే ఐసిస్ అధినేత అబూ బకర్ అల్ బాగ్దాదీని కూడా మట్టుబెట్టి ఆ ఉగ్రవాద సంస్థను కూడా నాశనం చేయాల్సిన అవసరం ఎంతో ఉంది’ అని ఎన్‌బిసి చానల్ నిర్వహించిన ‘మీట్ ది ప్రెస్’ కార్యక్రమంలో బ్రెన్నన్ ఉద్ఘాటించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.