అంతర్జాతీయం
అమెరికాలో తగ్గిపోనున్న విదేశీ విద్యార్థులు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 27: అధ్యక్షుడు డొనాల్డ్ ట్రంప్ విధానాల వల్ల అమెరికా వర్శిటీల్లో ఉన్నత చదువులకోసం వచ్చే విదేశీ విద్యార్థులు సంఖ్య తగ్గిపోనుంది. వీసా నిబంధనలు కఠినతరం చేయడం, జాతి విద్వేష దాడుల నేపథ్యంలో 250పైగా అమెరికా కాలేజీలు, ఆరు అత్యున్నత విశ్వవిద్యాలయాల్లో అండర్ గ్రాడ్యుయేట్ కోర్సుల్లో చేరే భారతీయ విద్యార్థుల దరఖాస్తులు 26 శాతానికి పడిపోయాయి. అలాగే గ్రాడ్యుయేషన్ కోర్సుల్లోనూ 15 శాతం పడిపోయినట్టు ఓ సర్వేలో వెల్లడైంది.
విదేశీ విద్యార్థుల దరఖాస్తులు కూడా సగటున 40 శాతం తగ్గిపోయాయి. అమెరికాలో ఉన్నత విద్యను అభ్యసించడానికి వచ్చేవారిలో చైనా, భారతదేశానికి చెందిన విద్యార్థులే ఎక్కువ. చైనానుంచి అండర్ గ్రాడ్యుయేట్ కోర్సుల్లో 25 శాతం, గ్రాడ్యుయేట్ కోర్సుల్లో 32 శాతం దరఖాస్తులు పడిపోయినట్టు సర్వే బయటపెట్టింది. అమెరికన్ అసోసియేషన్ ఆఫ్ కాలేజీ రిజిస్ట్రార్స్, అడ్మిషన్స్ ఆఫీసర్స్ సంయుక్తంగా ఈ సర్వే నిర్వహించింది. ద ఇనిస్టిట్యూట్ ఆఫ్ ఇంటర్నేషనల్ ఎడ్యుకేషన్, అసోసియేషన్ ఆఫ్ ఇంటర్నేషనల్ ఎడ్యుకేటర్స్, ద నేషనల్ అసోసియేషన్ ఫర్ కాలేజీ అడ్మిషన్స్ కౌన్సిలింగ్, సబ్ గ్రూప్ ఆఫ్ ఇంటర్నేషనల్ అసోసియేషన్ ఫర్ కాలేజీ అడ్మిషన్ కౌన్సిలింగ్ సర్వే నిర్వహించాయి. అమెరికాలో పైచదువులకోసం విదేశీ విద్యార్థులు ముఖ్యంగా చైనా, భారతీయులు, నేపాల్ ఉత్సాహం చూపిస్తారు. అయితే డొనాల్డ్ ట్రంప్ అమెరికా అధ్యక్షుడు అయిన తరువాత జరిగిన పరిణామాలు విదేశీ విద్యార్థుల్లో భయాలను సృష్టించాయి.
ఎప్పుడూ లేనంతగా వీసా మంజూరులో మార్పులు విదేశీ విద్యార్థులకు గుదిబండగా మారాయి. పోర్టులాండ్ యూనివర్శిటీలో దరఖాస్తుల రిజిస్ట్రేషన్ 27 శాతానికి పడిపోయింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.