అంతర్జాతీయం
సార్వభౌమాధికారాన్ని ప్రతి దేశమూ గౌరవించాలి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఏప్రిల్ 14: అన్ని దేశాలు కూడా ఒకరి సార్వభౌమాధికారం, ప్రాదేశిక సమగ్రతను మరొకరు గౌరవించాలని చైనా అధ్యక్షుడు జీ జిన్‌పింగ్ అన్నారు. చైనా ఎంతో ఉదాత్త ఆశయంతో చేపడుతున్నట్లుగా చెబుతున్న ‘ఒకే ప్రాంతం, ఒకే రోడ్డు’ ప్రాజెక్టుపై రెండు రోజుల అంతర్జాతీయ సదస్సును ఆదివారం ఇక్కడ ప్రారంభిస్తూ జీ జిన్‌పింగ్ ఈ వ్యాఖ్యలు చేశారు. ఈ సదస్సుకు భారత్‌కు ఆహ్వానం అందినప్పటికీ ఆక్రమిత కాశ్మీర్ గుండా వెళ్లే చైనా-పాకిస్తాన్ ఆర్థిక కారిడార్ నిర్మాణంపై నిరసనగా మన దేశం ఈ సమావేశాన్ని బాయ్‌కాట్ చేసిన విషయం తెలిసిందే. దాదాపు ముప్పావు గంట ప్రసంగంలో జీ జిన్‌పింగ్ సింధూ నాగరికత, గంగా నాగరికత సహా ప్రాచీన నాగరికతల ప్రాధాన్యత గురించి మాట్లాడినప్పటికీ వివాదాస్పద చైనా-పాక్ ఆర్థిక కారిడార్‌పై భారత్ అభ్యంతరాల గురించి ప్రస్తావించకపోవడం గమనార్హం. అయితే అన్ని దేశాలు కూడా ఒకరి సార్వభౌమాధికారం, ప్రాదేశిక సమగ్రత, అభివృద్ధి మార్గం, సామాజిక వ్యవస్థలు, కీలక ప్రయోజనాలు, ముఖ్యమైన ఆందోళనలను మరొకరు గౌరవించుకోవాలని ఆయన అన్నారు.
రెండు రోజుల పాటు జరిగే ఈ సదస్సుకు హాజరు కాబోమని నారత్ స్పష్టం చేసిన ఒక రోజు తర్వాత జీ ఈ వ్యాఖ్యలు చేయడం గమనార్హం. తమ సార్వభౌమాధికారం, ప్రాదేశిక సమగ్రతకు భంగం కలిగించే ఒక ప్రాజెక్టును భారత్ ఎంతమాత్రం అంగీకరించదని విదేశాంగ శాఖ ప్రతినిధి శనివారం రాత్రి చెప్పడంతోనే మన దేశం ఈ సదస్సుకు హాజరు కావడం లేదనే విషయం స్పష్టమైంది. కాగా తొలి రోజు సమావేశానికి కొంతమంది భారతీయ మేధావులు హాజరు కావడం గమనార్హం. 28 దేశాలకు చెందిన ప్రతినిధులు ఈ సదస్సుకు హాజరవుతున్నారు. నలుగురు ముఖ్యమంత్రులు, నలుగురు ఫెడరల్ మంత్రులతో అతిపెద్ద ప్రతినిధి బృందంతో పాక్ ప్రధాని నవాజ్ షరీఫ్ ఈ సమావేశానికి వచ్చారు. కాగా, ‘ఒన్ బెల్ట్ ఒన్ రోడ్ ’ప్రాజెక్టును ఈ శతాబ్దపుప్రాజెక్టుగా జీ అభివర్ణించడమే కాకుండా ప్రపంచానికి శాంతిని అందించే ప్రాజెక్టని చెప్పుకొన్నారు.
చిత్రం..ఆదివారం బీజింగ్‌లో ప్రారంభమైన వన్ బెల్ట్ వన్ రోడ్ ఫోరం సదస్సుకు
హాజరైన ఆసియా, యూరప్ దేశాల ప్రతినిధుల గ్రూప్ చిత్రం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.