అంతర్జాతీయం
ఎలాంటి చర్చలు కావాలి?
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, మే 16: ‘వన్‌బెల్ట్-వన్ రోడ్’ ప్రాజెక్టు విషయంలో భారత్ వైఖరిని చైనా మంగళవారం తీవ్రంగా తప్పుబట్టింది. ఈ మెగా ప్రాజెక్టులో భారత్ పాలుపంచుకుంటే తాము సంతోషిస్తామని, అయితే దీనికి సంబంధించి తమతో ఎలాంటి అర్థవంతమైన చర్చలను భారత్ కోరుకొంటోందో చెప్పాలని వ్యాఖ్యానించింది. నాలుగేళ్ల క్రితం ‘వన్‌బెల్ట్ వన్ రోడ్’ ప్రాజెక్టుకోసం చర్యలు ప్రారంభించినప్పటినుంచి తాము విస్తృత సంప్రదింపులు, సంయుక్త భాగస్వామ్యం, పరస్పర ప్రయోజనాలు అనే సూత్రానికే కట్టుబడి ఉన్నామని చైనా విదేశాంగ శాఖ ప్రతినిధి హువా చున్యింగ్ అన్నారు. వన్‌బెల్ట్ వన్‌రోడ్‌పై భారత్‌కు ఉన్న అనుమానాలను నివృత్తి చేయడానికి చైనా అర్థవంతమైన చర్చలు జరపాలంటూ భారత విదేశాంగ శాఖ ప్రతినిధి గోపాల్ బాగ్లే చేసిన వ్యాఖ్యలపై స్పందిస్తూ హువా చున్యింగ్ ఈ వ్యాఖ్యలు చేశారు. ‘బాగ్లే ఏం చెప్పాలనుకుంటున్నారో నాకు అర్థం కావడం లేదు. ఎలాంటి అర్థవంతమైన చర్చలు జరపాలి? చైనా ఎలాంటి సానుకూల వైఖరిని కలిగి ఉండాలి?’ అని ఆమె ప్రశ్నించారు. ఈ నెల 14-15 తేదీల్లో చైనా ‘బెల్ట్ అండ్ రోడ్ ఫోరమ్’ (బిఆర్‌ఎఫ్) పేరిట ఒక అంతర్జాతీయ సదస్సును నిర్వహించిన విషయం తెలిసిందే. రెండు రోజులపాటు జరిగిన ఈ సదస్సును భారత్ బాయ్‌కాట్ చేసింది. కాగా, పాకిస్తాన్ ప్రధాని సహా 28 దేశాలకు చెందిన నేతలు ఈ సమావేశానికి హాజరయ్యారు. 5వేల కోట్ల డాలర్ల వ్యయంతో చైనా చేపడుతున్న చైనా-పాకిస్తాన్ ఆర్థిక కారిడార్ పాక్ ఆక్రమిత కాశ్మీర్ గుండా వెళ్తుండడం తమ సార్వభౌమాధికారాన్ని ఉల్లంఘించడమేనని పేర్కొంటూ భారత్ ఈ సదస్సును బాయ్‌కాట్ చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.