అంతర్జాతీయం
నిఘా గుట్టు విప్పిన ట్రంప్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 16:అత్యంత కీలకమైన రహస్య సమాచారాన్ని రష్యాతో పంచుకున్నారంటూ అమెరికా అధ్యక్షుడు డొనాల్డ్ ట్రంప్‌పై తీవ్ర అభియోగాలు వచ్చాయి. రష్యా విదేశాంగ మంత్రి సెర్జీ లవ్‌రోవ్, ఆ దేశ రాయబారి సెర్గే కిస్‌లాక్‌లతో వైట్‌హౌస్‌లో జరిగిన సమావేశంలో ట్రంప్ ఈ వివరాలను వెల్లడించారంటూ వాషింగ్టన్ పోస్టులో సంచలన కథనాలు వెలువడ్డాయి. వీటిని ఏ మాత్రం ఖాతరు చేయని ట్రంప్ తనదైన శైలిలోనే ధిక్కార స్వరాన్ని వినిపించారు. ‘మాస్కోతో కీలక వాస్తవాలను పంచుకునే తిరుగులేని అధికారం నాకు ఉంది’అని మంగళవారం నాడిక్కడ ఉద్ఘాటించారు. గత వారం రష్యా నేతలతో ట్రంప్ జరిపిన ఈ సమావేశ వివరాలను అమెరికా ప్రస్తుత, మాజీ అధికారులను ఉటంకిస్తూ వాషింగ్టన్ పోస్టు వెల్లడించింది. ట్రంప్ వ్యవహారం శైలి వల్ల ఇస్లాం ఉగ్రవాద సంస్థ ఐసిస్‌కు సంబంధించి అమెరికా సేకరించిన కీలక నిఘా సమాచారం నీరుగారిపోయినట్టయిందని ఈ అధికారులు పేర్కొన్నట్టు వాషింగ్టన్ పోస్టు తెలిపింది. అమెరికా ప్రభుత్వంలోనే చాలా మందికి ఈ సమాచారం తెలియదని, కీలక మిత్ర దేశాలకు కూడా ఈ కీలక సమాచారం తెలియదని స్పష్టం చేసింది. ఈ కథనాలపై ట్వీట్‌లో స్పందించిన ట్రంప్ ‘వైట్‌హౌస్‌లో జరిగిన బహిరంగ సమావేశంలోనే ఈ వివరాలను రష్యాతో పంచుకోవాలని దేశాధ్యక్షుడిగా నిర్ణయం తీసుకున్నారు. ఇందుకు నాకు పరిపూర్ణమైన అధికారం ఉంది. దీని వెనుక మానవీయ దృక్కోణం కూడా ఉంది. ఉగ్రవాదం, విమానయాన భద్రత వివరాలను రష్యాకు తెలియజేయడం వల్ల ఆ దేశం మరిన్ని కఠిన చర్యలు తీసుకునే అవకాశం ఉంటుంది’అని పేర్కొన్నారు. అలాగే ఇంటెలిజెన్స్ సమాచారాన్ని లీక్ చేసే వారిపై కఠినంగా వ్యవహరించాలని అధ్యక్షుడిగా పగ్గాలు చేపట్టినప్పటి నుంచీ నాటి ఎఫ్‌బిఐ అధికారి కోమే సహా అధికారుల్ని కోరుతూనే ఉన్నాను’అని మరో ట్వీట్‌లో ట్రంప్ పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.