అంతర్జాతీయం
పెట్టుబడులతో తరలిరండి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 25: అన్ని విధాలుగా వ్యాపారానుకూల దేశంగా భారత్ ఆవిర్భవించిందని ప్రధాని నరేంద్ర మోదీ స్పష్టం చేశారు. ఆదివారం ఇక్కడ జరిగిన అమెరికా కంపెనీల సీఇఓల సమావేశంలో మాట్లాడిన మోదీ భారత్‌లో భారీగా పెట్టుబడులు పెట్టాలని పిలుపునిచ్చారు. వచ్చే నెల నుంచి అమలుకానున్న జిఎస్‌టితో పెట్టుబడులకు మరింత సానుకూల పరిస్థితులు ఏర్పడతాయని ఉద్ఘాటించారు. గత మూడు సంవత్సరాలుగా ఎన్‌డిఏ ప్రభుత్వం అమలు చేస్తున్న గుణాత్మక విధానాల వల్ల భారత్‌లోకి అత్యధిక స్థాయిలో విదేశీ ప్రత్యక్ష పెట్టుబడులు వచ్చాయని గుర్తు చేశారు. టిమ్ కుక్ (యాపిల్), సుందర్ పిచాయ్ (గూగుల్), జాన్ చాంబర్స్ (సిస్కో), జెఫ్ బెజోస్ (అమేజాన్) సహా 20 అమెరికా కంపెనీల సీఇఓలతో మోదీ సమావేశమయ్యారు. ఇప్పటి వరకూ తమ ప్రభుత్వం తీసుకున్న వ్యాపారానుకూల నిర్ణయాల్ని వివరించడంతో పాటు రానున్న కాలంలో ఎలాంటి చర్యలు చేపట్టబోతున్నదీ కూడా మోదీ ఈ సందర్భంగా వెల్లడించారు. ‘మొత్తం ప్రపంచం భారత్ వైపే చూస్తోంది. వ్యాపారానుకూలత కోసం 7వేల సంస్కరణలు ప్రవేశ పెట్టాం. కనిష్ట ప్రభుత్వం, గరిష్ఠ పాలనే మా ధ్యేయం’అని మోదీ తెలిపారు. భారత్‌లో పెట్టుబడులు పెడితే ప్రయోజనాలు ఉభయతారకంగా ఉంటాయని మోదీ స్పష్టం చేశారన్నారు. తమ ప్రభుత్వం అమలు చేయబోతున్న జిఎస్‌టి అమెరికా బిజినెస్ స్కూళ్లలో అధ్యయన అంశం అయినా ఆశ్చర్య పోవాల్సిన అవసరం లేదన్నారు. విల్లార్డ్ హోటల్‌లో గంటకు పైగా అమెరికా కంపెనీల సిఇఓలతో మాట్లాడిన మోదీ వారి డిమాండ్లను సావధానంగా విన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.